مہر نیوز : امریکہ کی خفیہ ایجنسی سی آئی اے یمن میں القاعدہ کو بہانہ بنا کرڈرون حملے کرنے کی تیاریاں کر رہی ہے۔

مہر خبررساں ایجنسی نےامریکی اخبار واشنگٹن پوسٹ کے حوالے سے نقل کیا ہے کہ امریکہ کی خفیہ ایجنسی سی آئی اے یمن میں القاعدہ کو بہانہ بنا کرڈرون حملے کرنے کی تیاریاں کر رہی ہے۔ امریکی خبر رساں ادارے ایسوسی ایٹڈ پریس کے مطابق سی آئی اے یمن کے قریب خطے میں ایک خفیہ اڈہ تعمیر کر رہی ہے تاکہ ڈرون طیاروں کی پروازوں کو ممکن بنایا جا سکے۔امریکہ سعودی عرب کے تعاون سے یمن میں جاری عوامی انقلاب کو کچلنے کی کوشش کررہا ہے۔ ذرائع کے مطابق سعودی عرب امریکہ نواز عرب ڈکٹیٹروں کی پناء گاہ بن گيا ہے۔ بعض ذرائع کے مطابق امریکی سی آئی اے کا جال تمام اسلامی ممالک میں پھیلا ہوا ہے۔

__________________

اندازِ بیاں گرچہ بہت شوخ نہیں ہے
شاید کہ اتر جائے ترے دل میں مری بات