امریکی افواج پاکستانی حدود کی خلاف ورزی کر کے ایٹمی قوت سے جنگ کا خطرہ مول لے رہی ہیں ‘ امریکی جریدہ
واشنگٹن (پاک ڈاٹ نیٹ) ایک اہم امریکی جریدے ’’ ٹائمز میگزین ‘‘ کا کہنا ہے کہ امریکی افواج پاکستانی حدود کی خلاف ورزی کر کے ایٹمی قوت سے جنگ کا خطرہ مول لے رہی ہیں ۔ امریکی جریدے میں شائع ہونے والے مضمون میں کہا گیا ہے کہ پاک فوج نے افغان سرحد پر تعینات فورسز کو سرحدی خلاف ورزی کا بھرپور جواب دینے کا حکم دے دیا ہے ۔ یہ حقیقت ہے کہ امریکی فورسز پہلے بھی پاکستانی حدود کی خلاف ورزیاں کر چکی ہیں اور اب بھی کر رہی ہیں ۔ اگر کوئی بھول گیا ہے تو یاد رکھے کہ پاکستان جوہری قوت ہے ۔ وہ خانہ جنگی کے خطرے سے دوچار ہے ۔ اس کی سیاسی قیادت بکھری ہوئی ہے حالات قابو میں نہیں ہیں اور یہ سب کچھ ایک بڑی مصیبت لانے کے لئے کافی ہے ۔ جریدے کے مطابق امریکی فورسز 6 سال سے پاکستانی حدود میں خاموشی سے داخل ہوتی رہی ہیں ۔ پاکستان امریکی فوج کے اپنی حدود میں داخلے کے راستے تک جانتا تھا لیکن اس نے جان بوجھ کر اپنی آنکھیں بند کی ہوئی تھیں لیکن گزشتہ ایک ماہ میں بہت کچھ تبدیل ہو گیا ہے ۔ بش انتظامیہ کی جانب سے فوج کو پاکستانی حدود میں حملوں کی اجازت دینے کی خبر سامنے آئی تو پاکستان کے پاس سخت ردعمل ظاہر کرنے کے سوا کوئی چارہ نہیں رہا ۔ مضمون میں کہا گیا ہے کہ بش انتظامیہ کی جانب سے پاکستانی حدود میں حملوں کا فیصلہ نہایت غیر محتاط ہے کیونکہ اس سے القاعدہ قیادت کو گرفتار یا ہلاک کرنے کے احکامات بہت کم ہیں پاکستان میں داخلے کا مطلب جوہری قوت سے مکمل جنگ ہے جریدے کے مطابق قبائلی علاقوں پر طیاروں سے مقامی لوگوں اور سیکیورٹی فورسز کے درمیان تصادم بڑھ سکتا ہے ۔ یہ قبائلی انتہائی خطرناک لو گ ہیں کچھ بعید نہیں کہ وہ دریائے سندھ عبور کرکے اسلام آباد پر قبضہ کر لیں ۔ مضمون میں کہا گیا کہ بلاتاخیر کسی کو صدر بش کے ساتھ بیٹھ کر کر انہیں سمجھانا چاہئے کہ پاکستان دہشت گردی کے خلاف جنگ میں ایک پل بھی ہے ۔
٭٭٭٭٭٭٭٭