امریکی ایجنسیاں مدار سے زمین پر گرنے والے جاسوس مواصلاتی سیارے کی نگرانی کررہی ہیں ۔ جس سے زہریلا مواد خارج ہو سکتا ہے پینٹاگان کی خاتون ترجمان نے بتایا کہ امریکی ادارے صورت حال پر نظر رکھے ہوئے ہیں ترجمان نے ان اطلاعات پر کوئی تبصرہ کرنے سے انکار کر دیا کہ جاسوس سیارے سے انتہائی خطرناک اور نقصان دہ مادے خارج ہو سکتے ہیں ۔ توقع ہے کہ یہ سیارہ جنوری کے آخر یا فروری کے اوائل میں زمین سے ٹکرائے گا تاہم سیارہ گرنے کے مقام کے بارے میں تاحال کچھ نہیں کہا جا سکتا ۔ اس سیارے میں انتہائی قیمتی کیمرے اور آلات نصب ہیں جن کی مدد سے امریکہ دنیا کے کسی بھی حصے میں دشمن کے اہداف کی نگرانی کر سکتا ہے ۔ لیکن ان میں زہریلا مواد استعمال کیا جاتا ہے جو فضاء اور زمین پر بہت زیادہ نقصان پہنچا سکتی ہے ۔