شکاگو (اے پی پی/جنگ نیوز) امریکی حکام کا کہنا ہے کہ ریاست میسوری میں طوفانی بگولے نے 89 افراد کی جان لے لی جبکہ کئی مکانات زمین بوس ہوگئے اورمتعددکاروباری عمارتیں تباہ ہوگئیں۔ امریکی صدربارک اوباما نے ہلاک ہونے والوں کے لواحقین اوردیگرمتاثرین سے ہمدردی کا اظہار کیا ہے۔ امریکی حکام کے مطابق اس طوفان نے ریاست میسوری کے قصبہ جوپلن میں طوفانی بگولے نے 10کلومیٹر کے علاقے میں گھروں اورکاروبارکو تباہ کردیا ہے۔جبکہ بجلی اورٹیلی مواصلات کا نظام بھی خراب ہوگیا ہے۔مسوری کے گورنر جے نکسن نے ریاست میں ہنگامی حالت کا اعلان کرتے ہوئے خبردارکیا ہے کہ ایسے مزید طوفان آسکتے ہیں۔ پولیس کے مطابق 89 افراد اس کی تباہی سے ہلاک ہو گئے ہیں جبکہ درجنوں زخمی ہیں۔ امریکی صدر باراک اوباما نے ہلاک ہونے والوں کے اہل خانہ اور دیگر متاثرین سے ہمدردی کا اظہار کیا ہے۔

__________________

میرا بلاگ۔ صدائےقلندرhttp://saifikhan011.blogspot.com/