واشنگٹن ....امریکی سماجی تنظیموں نے امریکا بھارت جوہری تعاون کا سمجھوتہ منسوخ کرنے کا مطالبہ کیا ہے، کیونکہ اسسے پاکستان کو غلط پیغام ملنے کا خدشہ ہے امریکا کی 23 سماجی تنظیموں نے اس حوالے سے ایک اتحاد تشکیل دیا ہے جسے جوہری تجارت میں ذمہ داری کی مہم کا نام دیا گیا ہے۔ تنظیم کا موقف ہے کہ امریکا بھارت جوہری تعاون کے سمجھوتے سے ایٹمی عدم پھیلاؤ کی کوششوں کو شدید نقصان پہنچے گا، ایران اور شمالی کوریا کی جوہری ہتھیار بنانے کی کوششوں کی حوصلہ افزائی ہوگی اور جنوبی ایشیا میں جوہری اسلحہ کی تیار ی کی دوڑ شروع ہوجائے گی۔تنظیم کے ایک رہنما جان آء زک نے کانگریس پر زود دیا کہ وہ بش انتظامیہ کے اس مجوزہ معاہدے کا باریک بینی سے جائزہ لے تو معاہدے میں خطرناک امور سامنے آئیں گے۔ تنظیم کے مطابق معاہدے سے بھارت کی جوہری ہتھیار بنانے کی صلاحیت اور تعداد میں اضافہ ہوگا اوراس کے نتیجے میں پہلے سے مسائل کا شکار پاکستان کو غلط پیغام ملے گا ۔ تنظیم نے زور دیا کہ قومی اور عالمی سلامتی کے لئے اس معاہدے کو فوری طور پر ختم کیا جائے۔