ورجینیا…امریکی کمپنی نے فوجیوں کے لئے ایسا لباس تیار کیا ہے جو میدان جنگ میں خون بہنے سے ہلاکت روکنے میں مددگار ثابت ہوگا ۔امریکی ریاست ورجینیا کے شہر نورفوک میں قائم بلیک ہاک کمپنی کا کہنا ہے کہ اس لباس کا آئیڈیا مشرق وسطی میں خدمات انجام دینے والے امریکی سرجن Roseنے دیا تھا ۔ کمپنی کے مطابق فوجیوں کے لئے تیار کردہ خصوصی لباس میں آستینوں اور پتلون کے دونوں حصوں میں خون کا بہاؤ روکنے والے سامان کے دو دو سیٹ موجود ہوں گے۔ کمپنی کا کہنا ہے کہ بہت جلد یہ لباس دوسو ڈالر سے بھی کم قیمت میں فروخت کے لئے دستیاب ہوگا۔کمپنی کے مطابق میدان جنگ میں دس فیصد ہلاکتیں خون کا بہاوؤروکنے میں ناکامی سے واقع ہوتی ہیں ۔