امریکی ڈرون تباہ، ایک اور اتحادی ہیلی کاپٹر مار گرایا، افغان طالبان کا دعویٰ

**گلاب خان** · 22-08-11, 03:36 AM

متعدد اتحادی فوجی مارے گئے‘ ترجمان طالبان‘ وردک میں امریکی ہیلی کاپٹر گرانے والے کمانڈر کی تصویر جاری‘ ہلمند میں چیف پراسیکیوٹر قتل

کابل/ ننگرہار (آئی این پی) طالبان نے پاکستان کی سرحد سے ملحقہ صوبہ ننگرہار میں ایک اور امریکی ڈرون طیارہ اور جلال آباد میں اتحادی فوج کا ہیلی کاپٹر مار گرانے کا دعویٰ کرلیا۔ نیٹونے ڈرون طیارہ گرنے کے واقعہ کی تصدیق کرتے ہوئے وضاحت کی ہے کہ طیارہ معمول کی فضائی نگرانی کے دوران فنی خرابی کے باعث گرکرتباہ ہوا، طالبان نے اپنی ویب سائٹ پر صوبہ پکتیا میں امریکی چینیوک ہیلی کاپٹر مار گرانے والے کمانڈر کی تصویر جاری کر دی، جنوبی افغانستان میں مسلح افراد نے چیف پراسیکیوٹر کو گولی مار کر قتل کر دیا۔ اتوار کو افغان ٹی وی ومغربی میڈیاکی رپورٹ کے مطابق پاکستان کی سرحد سے ملحق افغان صوبہ ننگرہار میں امریکی ڈرون طیارہ گرکرتباہ ہوگیا، نیٹوکی جانب سے جاری بیان کے مطابق ڈرون طیارہ معمول کے مطابق فضائی نگرانی کے مشن پرتھا کہ فنی خرابی کے باعث گرکرتباہ ہوگیا۔ تاہم طالبان ترجمان ذبیع اللہ مجاہد نے دعویٰ کیا ہے کہ ڈرون طیارے کو طالبان نے مارگرایا ہے۔ عینی شاہدین کے مطابق انہوں نے ڈرون طیارے کو فضاءمیں آگ لگتے دیکھا ہے جو ایک رہائشی مکان پر گر گیا۔ رواں ہفتے مشرقی صوبہ غزنی میں بھی ایک ڈرون طیارہ گر کر تباہ ہوگیا تھا، طالبان نے دعویٰ کیا تھا کہ اُنہوں نے یہ طیارہ مار گرایا ہے جبکہ نیٹو نے اسے فنی خراب کی وجہ قرار دیا تھا۔ترجمان کے مطابق طالبان نے جلال آباد میں اتحادی فوج کے ایک ہیلی کاپٹرکو بھی مارگرایاہے جس میں کافی تعداد میں غیرملکی فوجی ہلاک ہوگئے ہیں تاہم ایساف کی جانب سے واقعہ کی تصدیق یا تردید نہیں کی گئی۔ اس دوران طالبان نے صوبہ پکتیا میں امریکی چینوک ہیلی کاپٹر کو گرانے والے کمانڈر کی تصویر جاری کردی ہے، افغان طالبان نے اپنی ویب سائٹ پر تصویر جاری کی ہے۔ صوبہ میدان وردک میں پیش آنیوالے اس واقعے میں امریکی چنیوک ہیلی کاپٹر میں سوار تمام31 امریکی فوجی اور7افغان اہلکار ہلاک ہوگئے تھے۔ دوسری جانب صوبہ ہلمند کے ضلع گریشک میں دو نامعلوم موٹر سائیکل سوار مسلح افراد نے اس وقت فائرنگ کر کے چیف پراسیکیوٹر محمد اعظم کو قتل کر دیا ہے جب وہ کام پر جارہے تھے، ہلمند کے اٹارنی جنرل خوشحال شاپا نے بھی ان کی تصدیق کی ہے۔ صوبائی گورنر کے دفتر سے جاری بیان کے مطابق کارروائی کے بعد حملہ آور فرار ہوگئے ان کی تلاش شروع کر دی گئی ہے، کسی گروپ نے حملے کی ذمہ داری قبول نہیں کی ہے۔

روزنامہ جنگ راولپنڈی

**سیفی خان** · 22-08-11, 04:09 AM

اقتباس:

طالبان ترجمان ذبیع اللہ مجاہد نے دعویٰ کیا ہے کہ ڈرون طیارے کو طالبان نے مارگرایا ہے۔ عینی شاہدین کے مطابق انہوں نے ڈرون طیارے کو فضاءمیں آگ لگتے دیکھا ہے جو ایک رہائشی مکان پر گر گیا۔ رواں ہفتے مشرقی صوبہ غزنی میں بھی ایک ڈرون طیارہ گر کر تباہ ہوگیا تھا،

سنا تھا کہ پاکستان کے پاس وہ میزائل نہیں جو ڈرون کو تباہ کر سکے طالبان کے پاس کہاں سے آگے؟

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
افغانستان:طالبان کا ایک اور نیٹو ہیلی کاپٹر تباہ کرنے کا دعویٰ	زبیرافتحار	خبریں	4	08-08-11 08:29 PM
قادیانی ڈائریکٹر کا عجیب و غریب دعویٰ	ALI-OAD	خبریں	0	16-06-10 11:14 AM
اسلام آباد حملہ، ذمہ داری کا دعویٰ	محمدعدنان	خبریں	1	05-06-08 10:32 PM
دعویٰ	محمدعدنان	قہقہے ہی قہقے	1	05-02-08 06:05 AM
دعویٰ	ابن ضیاء	قہقہے ہی قہقے	0	02-01-08 11:48 AM

Currently Active Users Viewing This Thread: 1 (0 members and 1 guests)