Fawad

کسی بھی دہشت گردی کے نۓ حملے کے بعد کچھ صحافيوں کی جانب سے ايسے خيالات اور تجزيے پڑھنے کو ملتے ہیں جن ميں "سازش"، "بيرونی ہاتھ" اور حاليہ دنوں میں "گريٹ گيم" جيسی مبہم اور گمراہ کن اصطلاحات استعمال کی جاتی ہيں۔ يہ ماہرين اور تجزيہ نگار قصوروار افراد کی شناخت کے حوالے سے طويل بحث کرتے ہيں اور دانستہ ہر واقعے کو اپنی نوعيت کا منفرد اور باقی تمام دہشت گردی کے واقعات سے جدا تصور کرتے ہیں جس کی توجيہہ اور مقاصد سمجھنے کے لیے ايک نۓ تجزيے اور تناظر کا بيان ضروری جانا جاتا ہے۔ پاکستان کے حوالے سے خفيہ سازشوں کی اصطلاح کا بار بار استعمال اس ليے حيران کن اور سمجھ سے بالاتر ہے کيونکہ دہشت گرد گروہوں کی جانب سے متعدد بار اس ارادے کا اظہار کيا جا چکا ہے کہ پاکستان کی خودمختاری پر حملہ ان کا مقصد ہے اور اس مقصد کے حصول کے ليے وہ پاک فوج سميت حکومت کے تمام اداروں پر حملے جائز تصور کرتے ہیں۔

دہشت گردی کے ہر تازہ واقعے کو کسی نئ سازش کا نام دے کر اس بحث کو طوالت دينا کہ اس کے پيچھے کن افراد کا ہاتھ ہو سکتا ہے دراصل معاشرے کی جانب سے اجتماعی سطح پر دہشت گردی کی حقيقت کو تسليم کرنے اور کلی طور پر اس سوچ کی مذمت کی راہ ميں رکاوٹ ہے جس کی بنياد پر بغير کسی تفريق کے پاکستان کے عام شہريوں کی زندگی اجيرن ہو چکی ہے۔

حقيقت يہ ہے کہ پاکستان کی حکومت اور فوج قبائلی علاقوں سميت ملک کے مختلف حصوں ميں ان دہشت گردوں کے خلاف امريکہ سميت اپنے علاقائ اور عالمی اتحاديوں کی مدد اور تعاون سے نبردآزما ہيں۔ ان تنظيموں کے خلاف پاکستانی افواج کی کاميابی خود امريکہ کے مفاد ميں ہے کيونکہ ہمارے فوجی سرحد کے پار انھی عناصر کے خلاف لڑ رہے ہيں۔ ان تنظيموں کی مضبوطی سے براہراست ہمارے اپنے فوجيوں کی زندگيوں کے ليے خطرات ميں اضافہ ہو جاتا ہے۔ اس طرح کی سوچ دراصل ان عناصر کی تقويت کا باعث بنتی ہے جو اپنے اعمال سے ہر روز پاکستان کو غير مستحکم کرنے کے ليے کوشاں ہيں۔

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
U.S. Department of State
USUrduDigitalOutreach | Facebook

محمدخلیل

ہر بات امریکہ کے خلاف ہی کیوں لکھتے ہیں؟

فاروق سرورخان

علی عود۔۔۔۔ آپ کے فراہم کئے ہوئے شاندار لطیفے پر میں صرف ہنس سکتا ہوں۔ یہ تو طالبانی بلکہ ظالمانی پراپیگنڈہ لگتا ہے۔۔۔

البتہ میں ضرور کہوں‌گا ‌کہ پاکستانی فوج ،، اس ظالمانی پراپیگنڈہ کی جنگ ہار رہی ہے۔ نا صرف پاکستانی فوج بلکہ امریکیوں کو بھی اس کا نوٹس لینا چاہئیے۔ کہ پاکستانی فوج ہمیشہ پراپیگنڈے کی جنگ ہاری ہے۔

__________________
فاروق سرور خان
ترے ضمیر پہ جب تک نہ ہو نزول کتاب
گرہ کشـا ہے نـہ رازی نـہ صـا حب کشـاف