امین فہیم کی ایوان میں آمد ، پارٹی وزراء ملنے سے کتراتے رہے
اسلام آباد (نمائندہ جنگ) پاکستان پیپلزپارٹی پارلیمنٹیرینز کے صدر مخدوم امین فہیم گزشتہ روز ایوان میں آئے تو پارٹی کے مخدوم مہتاب الدین اور امتیاز منصور وڑائچ نے ان کی سیٹ پر جاکر ان سے خیریت دریافت کی ۔ مولانا فضل الرحمن بھی ان کے پاس گئے جبکہ پارٹی کے دیگر وزراء مخدوم امین فہیم کے پاس جانے سے کتراتے رہے۔ تقریباً 10 منٹ کے بعد پارلیمنٹیرینز کے صدر ایوان سے چلے گئے ۔ منظور وٹو نے ڈپٹی اسپیکر فیصل کریم کنڈی کی بہت زیادہ تعریف کی ۔ انہوں نے کہا کہ نوجوان ڈپٹی اسپیکر نے ایک بہترین غیر جانبدار اسپیکر کے طورپر اپنی ذمہ داریاں سرانجام دی ہیں۔ اس دوران ڈاکٹر فہمیدہ مرزا نے آکر چیئر سنبھالی تو منظور وٹو نے کہا کہ جو کچھ میں ڈپٹی اسپیکر سے کہہ رہا تھا وہ اب آپ کیلئے شروع کرتا ہوں جس پر ایوان میں زور دار قہقہے گونج اٹھے ۔

__________________