انا ہزارے جیت گئے، بھارتی پارلیمنٹ نے لوک پال بل میں ترمیم کی قرارداد منظور کرلی

**گلاب خان** · 28-08-11, 03:24 AM

نئی دہلی (اے ایف پی رائٹرز جنگ نیوز) بھارت میں کرپشن کے خلاف تحریک چلانے اور کئی روز سے بھوک ہڑتال کرنے والے معروف سماجی رہنما انا ہزارے جیت گئے ہیں اور بھارتی پارلیمنٹ نے ان کے تین مطالبات کو تسلیم کرتے ہوئے لوک پال بل میں ترمیم کیلئے بحث کی قرار داد منظور کرلی ہے ۔ قرارداد منظور ہونے کے بعد دسماجی کارکن نے اعلان کیا ہے کہ اتوار (آج) صبح 10 بجے بھوک ہڑتال ختم کر دی جائے گی تاہم انہوں نے محتاط رویہ اختیار کرتے ہوئے کہا کہ ابھی صرف آدھی جنگ جیتی ہے بہت کچھ کرنا باقی ہے۔ تفصیلات کے مطابق وزیر خزانہ پرناب مکھرجی نے پارلیمنٹ کے اسیشن کا افتتاح کرتے ہوئے انا ہزارے سے ایک بار پھر بھوک ہڑتال ختم کرنے کی اپیل کی جس کے بعد بھارتی پارلیمنٹ کے ہفتے کو ہونے والے اجلاس میں اناہزارے کی شرائط پر بحث کی گئی جس پر حکومت اور اپوزیشن نے ان کے تین نکات کو لوک پال بل میں شامل کرنے پر رضامندی ظاہر کردی۔ ان شرائط میں نچلی سطح کی بیورو کریسی کو تحقیقات کے دائرہ کار میں لانا ، ہر ریاست میں تفتیشی دفتر قائم کرنا اور سرکاری محکموں کی ذمہ داری سے متعلق اسٹیزن چارٹر کا قیام بھی شامل ہے۔ اگر کوئی محکمہ ذمہ داری پوری نہ کر رہا ہو تو اس پر شہریوں کو پنالٹی لگانے کا بھی حق حاصل ہوگا۔ اس سے قبل بالی وڈ اسٹار عامر خان نے اناہزارے کی حمایت کیلئے رام لیلی میدان پہنچے۔ انہوں ے اناہزارے سے بھوک ہڑتال ختم کرنے کی اپیل کرتے ہوئے آخری دم تک ساتھ نبھانے کا وعدہ کیا۔ اس موقع پر انہوں نے اپنا خصوصی گانا بھی گایا۔ جبکہ انا ہزارے کی ٹیم کے دو افراد کرپشن تحریک سے الگ ہوگئے ہیں اس کے باوجود نئی دہلی کے رام لیلا میدان میں انا ہزارے کی بھوک ہڑتال بارہویں روز بھی جاری رہی ۔ ڈاکٹرز کی ٹیم، انا کی مسلسل گرتی صحت پر گہری تشویش کا اظہار کر رہے ہیں کیونکہ پچھلے گیارہ دن میں ان کا سات کلو وزن کم ہو چکا ہے۔دوسری جانب حزب اختلاف بی جے پی نے جمعہ کی رات ہی انا ہزارے کے زیادہ تر مطالبات کی حمایت کرنے کا فیصلہ کر لیا تھا۔ پارٹی کی لیڈر سشما سواراج نے کہا کہ لوک پال بل منظور کرنے کا وقت آگیا ہے اور ان کی پارٹی ان تجاویز کو قانون میں شامل کرنے کے حق میں ہے جن پر ایوان کی رائے مانگی گئی ہے۔ کانگریس کی جانب سے سندیپ دیکشت نے پارٹی کا موقف رکھا، انکا کہنا تھا کہ کچھ معمولی تحفظات کے علاوہ پارٹی تینوں مطالبات کے حق میں ہے، کیونکہ یہ وقت کی ضرورت ہے، اور اسی کی بنیاد پر انا ہزارے اپنی بھوک ہڑتال ختم کریں گے۔ پہلے حکومت اتفاق رائے کے ساتھ ایک بیان منظور کراکر انا ہزارے کو بھیجنا چاہتی تھی لیکن انا ہزارے کی ٹیم ووٹنگ کی ضد پر اڑ گئی لیکن بعد میں اتفاق رائے سے قرارداد منظور کر لی گئی کیونکہ جس ضابطے کے تحت بحث ہوئی تھی اس میں ووٹنگ کی گنجائش نہیں تھی۔ فی الحال تو اس محاذ آرائی کے ختم ہونے کی راہ ہموار ہوگئی ہے اور اب بہت سے مظاہرین اپنے گھروں کو لوٹ جائیں گے لیکن یہ بحث کافی عرصے تک جاری رہے گی کہ اس جنگ میں انا ہزارے کی کامیابی سے ملک میں جمہوری اداروں کو کتنا نقصان پہنچا ہے۔

روزنامہ جنگ راولپنڈی

**محمد یاسرعلی** · 28-08-11, 09:32 AM

اقتباس:

فی الحال تو اس محاذ آرائی کے ختم ہونے کی راہ ہموار ہوگئی ہے اور اب بہت سے مظاہرین اپنے گھروں کو لوٹ جائیں گے لیکن یہ بحث کافی عرصے تک جاری رہے گی کہ اس جنگ میں انا ہزارے کی کامیابی سے ملک میں جمہوری اداروں کو کتنا نقصان پہنچا ہے۔

اس بات کی منطق سمجھ نہیں آئی کیا اناہزارے نے خیر جمہوری طریقہ اختیار کیا کیا جمہوریت میں عوام کو اپنے مطالبات منوانے کا حق نہیں

**shafresha** · 28-08-11, 09:29 PM

تھینک یو انا!!!!!!!!

**شمشاد احمد** · 29-08-11, 01:21 AM

اقتباس:

اصل مراسلہ منجانب : محمد یاسرعلی

اس بات کی منطق سمجھ نہیں آئی کیا اناہزارے نے خیر جمہوری طریقہ اختیار کیا کیا جمہوریت میں عوام کو اپنے مطالبات منوانے کا حق نہیں

جي عوام كو جمہوريت ميں اپنے مطالبات منوانے كا يقينا حق ہے۔۔۔ مگر صرف ايسا حق جس سے دوسروں كے حقوق تلف نہ ہوتے ہو۔۔۔۔۔ اور انا ہزارے نے جو عوام حق طلب كيا ہے اس سے قوم كے سياست دانوں، اور سركاري افسروں كے كرپشن كي حق تلفي ہوتي ہے۔۔

**محمد یاسرعلی** · 29-08-11, 02:56 AM

سوری شمشاد بھائی یاد نہیں رہا اصل میں جمہوریت نام ہے حکمرانوں کے مفاد کی حفاظت کا جہاں یہ دونوں آپس میں ٹکرائیں وہاں جمہوریت بے کار ہے

28-08-11, 09:29 PM	#3
shafresha Senior Member تاریخ شمولیت: Jun 2008 مقام: کراچی عمر: 40 مراسلات: 9,661 کمائي: 254,773 شکریہ: 53,117 7,705 مراسلہ میں 22,601 بارشکریہ ادا کیا گیا	تھینک یو انا!!!!!!!! Share Share this post on Digg Del.icio.us Technorati Twitter Facebook!

29-08-11, 02:56 AM	#5
محمد یاسرعلی Senior Member تاریخ شمولیت: Apr 2008 مقام: راولپنڈی عمر: 28 مراسلات: 4,031 کمائي: 54,665 شکریہ: 7,881 2,881 مراسلہ میں 7,142 بارشکریہ ادا کیا گیا	سوری شمشاد بھائی یاد نہیں رہا اصل میں جمہوریت نام ہے حکمرانوں کے مفاد کی حفاظت کا جہاں یہ دونوں آپس میں ٹکرائیں وہاں جمہوریت بے کار ہے Share Share this post on Digg Del.icio.us Technorati Twitter Facebook!

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
ریمنڈ کے معاملہ پر سفارتی برادری امریکا کی حمایت نہیں کررہی	گلاب خان	خبریں	2	14-02-11 09:56 AM
مُلائیت کی طبقاتی جان ،خرد دشمنی اور جہالت کے طوطے میں ہے	shafresha	عمومی بحث	38	16-07-10 07:13 AM
مقبوضہ کشمیرمیں بھارتی فوج کی جارحیت ۔3کشیمری شہید	جاویداسد	خبریں	0	07-07-10 07:03 PM
ق لیگ کے اہم رہنماؤں کی ڈاکٹر قدیر سے ملاقات، حمایت پر کچھ رعایتیں مل سکتی ہیں	عبدالقدوس	خبریں	0	17-12-07 02:53 PM
ڈرا کیلئے نہیں صرف جیت کیلئے میدان میں اتریں گے،یونس خان،کپتانی سے بھاگتا ہوں یہ میرا پیچھا نہیں چھوڑتی	خرم شہزاد خرم	کرکٹ	0	08-12-07 08:13 AM

Currently Active Users Viewing This Thread: 1 (0 members and 1 guests)