اقوام متحدہ کے ادارے انسانی حقوق کی خصوصی نمائندہ حنا جیلا نی نے الزام عائد کیا ہے کہ پاکستان میں انتخابات میں پہلے ہی دھاندلی کی جا چکی ہے لہٰذاانتخابات کی مانیٹرنگ کا کوئی جواز نہیں ہے ۔واشنگٹن میں امریکی ارکان کانگریس کے ساتھ ملاقات کے بعد صحافیوں سے بات چیت میں انہوں نے الزام عائد کیا کہ صدر پرویز مشرف پہلے ہی عدلیہ اور صحافت جیسے اداروں کو تباہ کر چکے ہیں۔ان کا کہنا تھا کہ ملک میں آزادی رائے کی آزادی سلب کر لی گئی ہے ۔لہٰذا ان حالات میں آٹھ جنوری کے عام انتخابات کے منصفانہ ہونے کا امکان بہت کم ہے۔ حنا جیلا نی نے کہا کہ ایسی عدلیہ جس پر عوام کا اعتماد نہیں اس کی موجودگی میں کیسے منصفانہ انتخابات کی امید کی جا سکتی ہیں ۔