انسانی حقوق کی بدترین صورتحال پاکستان پہلے تین ممالک میں شامل

**گلاب خان** · 26-12-10, 06:18 AM

کراچی (رپورٹ: آغا خالد) دنیابھر میں انسانی حقوق کے حوالے سے سروے رپورٹس تیار کرنے والے بین الاقوامی ادارے میپل کرافٹ نے سال رواں2010ءکی اپنی رپورٹ میں انسانی حقوق کی بدترین صورتحال کے حوالے سے پاکستان کو دنیا کے پہلے3 ممالک میں شامل کیا ہے۔ جب کہ چائلڈ لیبر، عورتوں کی اسمگلنگ اور جنسی استحصال کے حوالے سے بھارت کو دنیا کا بدترین ملک قرار دیا گیا ہے۔ جب کہ مجموعی طور پر بھارت کا نمبر21 واں ہے۔ انسانی حقوق کے حوالے سے میپل کرافٹ(Maplecroft) نامی ادارے نے ہیومن رائٹس رسک اٹلس2011ءجاری کی ہے جس میں بتایا گیا ہے کہ پاکستان، چین، روس، کولمبیا، بنگلہ دیش، نائیجریا اور انڈیا میں انسانی حقوق کی صورتحال تیزی سے خراب ہو رہی ہے۔ رپورٹ کے مطابق بدترین انسانی حقوق کے حوالے سے پاکستان کا شمار تیسرے نمبر پر ہوتا ہے۔ دنیا میں انسانی حقوق کے حوالے سے پاکستان سے بدتر حالات صرف کانگو اور صومالیہ میں ہیں۔ تاہم حیرت انگیز طور پر میپل کرافٹ کی ویب سائٹ پر جاری کردہ رپورٹ میں انسانی حقوق کے حوالے سے پاکستان کا گراف تشویشناک حد تک گرنے کی وجوہات بیان نہیں کی گئی ہیں نہ ہی اس کی تفصیل دیگر ممالک کی طرح اپنی جاری کردہ رپورٹ میں بیان کی گئی ہے۔ جب کہ رپورٹ میں چین پر سب سے زیادہ توجہ دی گئی ہے اور چین پر تنقید دیگر وجوہات کے علاوہ پریس کی آزادی سلب کئے جانے کے حوالے سے بھی کی گئی ہے۔ میپل کرافٹ کی رپورٹ میں سوڈان چوتھے، میانمار پانچویں، چاڈ چھٹے، افغانستان7 ویں، زمبابوے8 ویں اور نارتھ کوریا9 ویں نمبر پر ہیں۔ چین کا نمبر10واں ہے۔ روس فہرست میں14 ویں،کولمبیا15 ویں، بنگلہ دیش16 نمبر پر ہیں جب کہ انڈیا21 ویں نمبر پر ہے۔ میپل کرافٹ جوکہ گزشتہ5 سال سے ہیومن رائٹس اٹلس جاری کر رہا ہے اس کے مطابق گزشتہ سال انسانی حقوق کے حوالے سے بدترین اور ہائی رسک ممالک کی تعداد83 تھی جوکہ اب بڑھ کر92 ہو گئی ہے اس طرح یہ شرح10 فیصد بڑھی ہے۔ میپل کرافٹ کے مطابق ان ممالک میں کام کرنے والے سرمایہ کاروں اور ملٹی نیشنل کمپنیوں کے مطابق دنیا میں بعض ابھرتی ہوئی معیشتوں میں بہترین اقتصادی پیداوار کے باوجود انسانی حقوق میں بہتری نہیں آئی۔ ان کمپنیوں کے مطابق ان ممالک میں کاروبار کو قانونی، آپریشنل اور دیگر کئی چیلنجز کا سامنا ہے اور انسانی حقوق کے حوالے سے ان کی ترقی معاون ثابت نہیں ہو سکی۔۔ میپل کرافٹ کے مطابق اٹلس کی تیاری کے لئے196 ممالک کا جائزہ لیا گیا اور30 مختلف کیٹگریز کے تحت سیاسی اور سول رائٹس لیبر، سیکورٹی اسٹینڈرڈ کا جائزہ لیا گیا۔ رپورٹ کے مطابق انسانی حقوق کے حوالے سے چین میں صورتحال سب سے زیادہ خراب ہو رہی ہے جہاں پریس کو بھی آزادی حاصل نہیں۔ آزادی اظہار کے حوالے سے چین کی صورتحال سب سے بھیانک ہے۔ لیبر حقوق کے حوالے سے بھارت کی صورتحال سب سے زیادہ خطرناک ہے۔ چائلڈ لیبر کے لحاظ سے بھارت دنیا میں سرفہرست ہے۔ لڑکیوں کی اسمگلنگ اور جنسی استحصال کی صورتحال بھی بھارت میں بھیانک رخ اختیار کر رہی ہے۔ عورتوں کی انسانی اسمگلنگ کے لحاظ سے بھی بھارت دنیا کا7 واں خطرناک اور بدترین ملک ہے۔
روزنامہ جنگ راولپنڈی

**یاسر عمران مرزا** · 26-12-10, 09:05 PM

ان تنظیموں کو جھوٹ بولنے کے سوا کوئی اور کام نہیں‌ہے۔ دنیا میں اس سے بھی برے حالات والے ملک موجود ہیں۔ جرائم کی شرح امریکہ میں پاکستان سے زیادہ ہو گی۔

**گلاب خان** · 27-12-10, 02:49 AM

جنہاں دے گھر دانے انہاں دے کملے وی سیانے

26-12-10, 09:05 PM	#2
یاسر عمران مرزا ذیلی ناظم تاریخ شمولیت: May 2009 مقام: جدہ-سعودی عرب مراسلات: 5,641 کمائي: 86,381 شکریہ: 9,614 4,226 مراسلہ میں 12,047 بارشکریہ ادا کیا گیا	ان تنظیموں کو جھوٹ بولنے کے سوا کوئی اور کام نہیں‌ہے۔ دنیا میں اس سے بھی برے حالات والے ملک موجود ہیں۔ جرائم کی شرح امریکہ میں پاکستان سے زیادہ ہو گی۔ Share Share this post on Digg Del.icio.us Technorati Twitter Facebook! __________________ عرفی تومیندیش ذغوغائے رقیباں - آواز سگاں کم نہ کند رزق گدارا میرا بلاگ \| yasirimran.wordpress.com

27-12-10, 02:49 AM	#3
گلاب خان Senior Member تاریخ شمولیت: Oct 2008 مقام: راولپنڈی مراسلات: 4,482 کمائي: 94,063 شکریہ: 1,535 2,971 مراسلہ میں 8,223 بارشکریہ ادا کیا گیا	جنہاں دے گھر دانے انہاں دے کملے وی سیانے Share Share this post on Digg Del.icio.us Technorati Twitter Facebook!

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
پاکستان میں امریکی سفیر کی جانب سے جام و رقص کی محفل اور پاکستانی صحافی خواتین	راجہ اکرام	خبریں	5	25-01-10 10:41 PM
:::جھیل پارک کے تین کناروں پر ملٹی اسٹوری پارکنگ پلازا بنانے کا منصوبہ:::	ابو کاشان	خبریں	0	03-01-08 12:31 PM
پاکستانی خواتین مصنفین کی کتاب بھارت میں	محمدعدنان	فن و فنکار	0	23-12-07 08:32 AM
ذیل میں صوبہ بلوچستان، پاکستان کے شہروں کی فہرست ہے۔	خرم شہزاد خرم	میرا پاکستان	0	11-10-07 09:06 AM
بلوچستان میں دہشت گردی پھیلانے والوں کا نیٹ ورک افغانستان میں ہے: صوبائی پولیس	پاکستانی	خبریں	0	15-09-07 03:57 PM

Currently Active Users Viewing This Thread: 1 (0 members and 1 guests)