انٹرنیشنل کرائسزگروپ کی رپورٹ ارضی حقائق سے واقف نہ ہونے کی آئینہ دار ہے،سرکاری ترجمان



اسلام آباد(جنگ نیوز) حکومت نے انٹرنیشنل کرائسز گروپ کی رپورٹ کو مسترد کرتے ہوئے اسے ارضی حقائق سے ناواقف قرار دیا ہے۔ سرکاری ترجمان نے جمعہ کو برسلز میں قائم غیر سرکاری تنظیم انٹرنیشنل کرائسز گروپ کی رپورٹ پر تبصرہ کرتے ہوئے افسوس کا اظہار کیا کہ پاکستان سے ہزاروں میل کی مسافت پر یورپ کے ماحول میں بیٹھ کر انٹرنیشنل کرائسز گروپ دانستہ طور پر پاکستان کے جمہوری عمل میں مداخلت کی کوشش کر رہاہے۔ انہوں نے کہا کہ آئی سی جی کا نہ تو کوئی اختیار ہے نہ اس کی ساکھ اور خاص طور پر پاکستان کے قومی معاملات کے بارے میں لاعلمی رکھتا ہے۔