جکارتا ... انڈونیشیا کے صوبے پاپوا میں پیر کی دوپہر شدیدزلزلہ آیا جس کی شدت ریکٹر اسکیل پر6.2ریکارڈ کی گئی۔زلرلے سے 25گھر تباہ ہوگئے اور آگ بھڑک اٹھی تاہم کسی جانی نقصان کی اطلاعات موصول نہیں ہوسکی ہیں۔میٹرولوجی ایجنسی کے مطابق زلزلے کا مرکزشمالی مغربی قصبے مانوکاوری سے 5کلومیٹر دورتھا جس کے باعث لوگ اپنے گھروں اور رہائشی عمارتوں سے باہر نکل آئے۔ایک مقامی پولیس اہلکار نے بتایا کہ زلزلے کے بعدپانی پر بہنے والے ماہی گیروں کے 20گھروں میں آگ بھڑاٹھی۔چونکہ یہ گھر لکڑی کے بنائے گئے تھے اس لئے بہت آسانی سے جل کرخاکستر ہوگئے۔پولیس اہلکار نے مزید بتایا کہ5کلومیٹردورمتعدد گھروں ، ہوٹلوں اور اونچی عمارتوں کی دیواروں میں دراڑیں پڑگئیں ہیں۔تاہم اب تک کسی جانی نقصانی کی اطلاع نہیں موصول ہوئی ہے۔امریکی جیولوجیکل سروے نے کہا ہے کہ اس کے پاس زلزلے کی شدت5.8ریکارڈ ہوئی ہے جس کا مرکز زمین میں10کلومیٹراندر تھا جو12بج کر12منٹ پر آیا۔