انکل سرگرم فاروق قیصر آج ”برنچ ود بشریٰ“ میں شرکت کرینگے
کراچی (جنگ نیوز) بچوں اور بڑوں میں یکساں مقبول فاروق قیصر المعروف انکل سرگرم آج جیو ٹی وی کے پروگرام ”برنچ ودبشریٰ“میں شرکت کرینگے۔ پتلیوں کی زبان میں معاشرے کے تلخ حقائق بیان کرنااور ہلکے پھلکے اندازمیں مسائل کی جانب توجہ مبذول کرانے کے ہنر سے واقف انکل سرگم پاکستان میں پتلیوں کے بانی بھی سمجھے جاتے ہیں۔ ان کے بنائے گئے بہت سے کردار ہیگا، ماسی مصیبتے، رولا ایک عرصہ گزرنے کے بعد بھی عوام میں بے حد مقبول ہیں۔ فاروق قیصر” جنگ“ اخبار میں پتلی تماشا کے عنوان سے کالم بھی تحریک کرتے ہیں۔ معروف اداکارہ بشریٰ انصاری نے بھی اپنے بچپن میں انکل سرگم کے ساتھ شرملی کا یادگار کردار ادا کیا تھا۔ جیو ٹی وی کے مارننگ شونادیہ خان شو،کی میزبان نادیہ خان بھی انکل سرگرم کے ساتھ معروف پروگرام کر چکی ہیں۔ شوبز کے حلقوں میں انکل سرگم کے نام سے معروف فاروق قیصر اتوار کی صبح 12 بجے جیو ٹی وی کے پروگرام ”برنچ ود بشریٰ“ میں شرکت کریں گے۔ اس پروگرام میں بشریٰ انصاری اپنی آواز میں گانا گا کرا پنے مداحوں کو محظوظ کریں گی۔

__________________