2010 : اکتوبر-13
دبئی (مانیٹرنگ ڈیسک) انٹرنیشنل کرکٹ کونسل نے قرار دیا ہے کہ پاکستان اور انگلینڈ کے درمیان کھیلے جانے والے میچ میں سپاٹ فکسنگ کے شواہد نہیں ملے۔پاکستان کی کرکٹ ٹیم کے کھلاڑیوں پر اوول میں کھیلے گئے ون ڈے میں سپاٹ فکسنگ کا الزام تھا۔واضح رہے کہ یہ میچ پاکستان نے جیتا تھا ۔سپاٹ فکسنگ کا الزام لگنے کے بعد چیئرمین پی سی بی اعجاز بٹ نے کہا تھا کہ اگر سپاٹ فکسنگ ہوئی ہے تو انگلینڈ کے کھلاڑیوں نے کی ہوگی۔آئی سی سی نے پاکستان کرکٹ بورڈ کو 30 دن میں ڈومیسٹک کرکٹ میں کرپشن کے خاتمے کی ہدایت کر دی ہے۔ آئی سی سی نے پاکستان کرکٹ کے حوالے سے ایک ٹاسک ٹیم بنانے کا بھی اعلان کیا ہے۔ آئی سی سی نے کہا ہے کہ اگر پاکستان ان تمام معاملات پر کاروائی نہیں کرتا تو آئی سی سی خود ایکشن لے کر سپاٹ فکسنگ میں ملوث افراد پر پابندی عائد کر سکتا ہے۔

__________________
جاویداسد