اوآئی سی ممالک بھارت کو تیل دینا بند کردیں،گیلانی کا مطالبہ
اے آروائی ون ورلڈ ٹی وی رپورٹ
سرینگر:حریت کانفرنس کے سینئر رہنما سید علی گیلانی نے کہا کہ اوآئی سی ممالک بھارت کو تیل کی فراہمی بند کردیں۔انہوں نے کہا کہ بھارت کو تیل کی فراہمی بند کرنے سے کشمیریوں پر مظالم کو روکا جاسکتاہے۔


اے آروائی ون ورلڈ سے خصوصی گفتگو کرتے ہوئے حریت رہنما نے کہا کہ بھارتی وزیراعظم کی مقبوضہ کشمیر میں موجودگی کے وقت بھی کشمیریوں پر بھارتی فوج کے مظالم کا سلسلہ جاری ہے۔

سید علی گیلانی نے کہا کہ ایک ایسے موقع پر جب بھارتی وزیراعظم مقبوضہ کشمیر میں ریلوے اسٹیشن کا افتتاح کررہے ہیں کشمیریوں پر تشدد بتاتاہے کہ جب کوئی ذمہ دارنہ ہو تو پھر کشمیریوں پر کیا گزرتی ہے۔انہوں نے کہا بھارتی فوج کی فائرنگ سے دوکشمیری شہید جبکہ متعددزخمی ہوگئے ۔

سید علی گیلانی نے بتایا کہ گزشتہ چار سے پانچ مہینوں کے دوران بھارتی فوج کے مظالم سے سینکڑوں کشمیری شہید جبکہ دوہزار سے زائد زخمی ہوگئے ہیں۔