پشاور…اورکزئی ایجنسی میں علی خیل قبائل نے آٹھ روز پہلے جرگے میں کئے گئے خود کش حملے کا الزام مامو زئی قبائل پر عائد کردیا جس کے بعد مامو زئی قبائل کے افراد نے علاقے سے نقل مکانی شروع کردی ہے ۔ذرائع کے مطابق مامو زئی قبائل کے سیکڑوں خاندانوں نے علاقے میں حالات کشیدہ ہونے اور علی خیل قبائل کی طرف سے ممکنہ کارروائی کے پیش نظر کوہاٹ،جرمہ، ہنگو اور دیگر علاقوں میں پنا ہ لینا شروع کردی ہے ۔آٹھ روز پہلے جرگے پر کئے گئے خود کش حملے میں ایک سو ستر سے زائد افراد جاں بحق اور دو سو سے زاید زخمی ہوگئے تھے ۔