South Asian News Agency (SANA) ⋅ September 16, 2011 ⋅

جدہ(ثناء نیوز) او آئی سی نے کینیڈا کے وزیراعظم سٹیفن ہارپر کی جانب سے حالیہ اسلام مخالف ہرزہ سرائی کی شدید الفاظ میں مذمت کی ہے۔ کینیڈین وزیراعظم جو اسرائیل کے حامی ہیں نے کہا تھا کہ اسلامی دہشتگردی عالمی امن کیلئے سب سے بڑا خطرہ ہے۔ اس کے ردعمل میں اسلامی ممالک کی نمائندہ تنظیم او آئی سی کے سیکرٹری جنرل اکمل الدین احسان اوگلو نے کینیڈا کے وزیراعظم کے بیان کو مسترد کر دیا ہے اور کہا ہے کہ اس قسم کے بیان سے صرف مغرب اور اسلامی دنیا کے درمیان غلط فہمیاں اور شکوک وشہبات جنم لیں گے جبکہ اس سے مذاہب اور ثقافتوں کے درمیان نفرت اور دوریوں کو مٹانے کی عالمی کوششوں کو بھی نقصان پہنچے گا۔ اپنے بیان میں او آئی سی سربراہ کا کہنا تھا کہ ایک خود مختار ملک کے وزیراعظم کی جانب سے اس قسم کے گمراہ کن بیانات سے بدامنی پھیلے گی۔ اسلام دہشتگردی کی اصطلاح اس طرح غلط ہے جس طرح کہ کرسچن دہشتگردی یا یہودی دہشتگردی، اسلام امن اور رحم کرنے کی تعلیم دیتا ہے۔ انہوں نے اس عزم کو دہرایا کہ او آئی سی ہر قسم کی دہشتگردی انتہا پسندی کیخلاف ہے اور ہمارا موقف اسلامی تعلیمات کی بنیاد پر ہے جو کہ دہشت گردی اور انتہا پسندی کو مسترد کر تا ہے۔ انہوں نے کہا کہ او آئی سی کے رکن ملک دہشتگردی سے سب سے زیادہ متاثر ہوئے ہیں اور ہم نے بھاری مالی و جانی نقصان برداشت کیا ہے۔ سعودی عرب جو کہ او آئی سی کا ہیڈ کوارٹر ہے۔ وہاں مئی 2003 سے دہشتگرد حملوں میں 350 سے زائد افراد مارے جا چکے ہیں۔
SANA (South Asian News Agancy) | او آئی سی کینیڈین وزیراعظم پر برہم، اسلام مخالف ہرزہ سرائی کی شدید الفاظ میں مذمت

__________________
فیس بک پہ پاک نیٹ کا حلقہ احباب

https://www.facebook.com/groups/pak.net

دوستوں سے گزارش ہے کہ اپنے شائع کردہ موضوع کو یہاں بھی شئیر کردیا کریں تاکہ زیادہ سے زیادہ لوگوں کو پاک نیٹ کی فیملی کا حصہ بنایا جاسکے۔