29 ستمبر 2010 37 : 20
نیویارک(نیٹ نیوز) صدر اوباما نے ایک بار پھر کہا ہے وہ عیسائی ہیں اور اپنی مرضی سے بالغ ہونے پر عیسائی بنے تھے مگر امریکی عوام کی اکثریت اب بھی سمجھتی ہے وہ مسلمان ہیں۔ اوباما کو آج نیو میکسیکو میں الیکشن مہم کے دوران ایک عورت نے کہا”تم عیسائی کیوں ہو“۔ بعض قدامت پرستوں اور سیاسی مخالفوں کا اب بھی یہ کہنا ہے ، اوباما عیسائی نہیں۔ اوباما نے نیو میکسیکو میں کہا میں اپنی مرضی سے عیسائی ہوا ہوں، میرے خاندان نے ایسا نہیں کیا ، صاف بات ہے وہ ہر ہفتے چرچ میں نہیں جاتے۔ میری ماں بڑی زبردست مذہبی عورت تھی مگر اس نے چرچ میں میری پرورش نہیں کی تھی۔ میں زندگی میں آگے چل کر عیسائی ہوا اس کی وجہ یہ تھی کہ حضرت عیسیٰ علیہ السلام نے میری آئندہ زندگی کے لئے رہنمائی کی جو آگے چل کر گزارنا چاہتا تھا ۔ میں سمجھتا ہوں عیسیٰ علیہ السلام نے ہمارے گناہو ں کی وجہ سے جان دی۔ ہم لوگ گناہ گار ہیں اور غلطیاں کرتے ہیں اور یہ کہ خدا کی مہربانی سے ہمیں نجات ملتی ہے ۔یادرہے اوباما کا مسلمان باپ کینیا کا رہنے والا تھا جبکہ ماں کاکنسا س سے تعلق تھا۔ بچپن میں اوباما انڈونیشیاءمیں مسلمان بچوں کے ساتھ پلے بڑھے ۔ ان کا پورا نام براک حسین اوباما ہے۔

__________________
جاویداسد