اسلام آباد(تجزیہ نگارخصوصی/صالح ظافر)بڑی سیاسی جاعتوں کے سرکردہ رہنماؤں بشمول شریف برادران،آفتاب احمد خان شیرپاؤ،مولانافضل الرحمن اورچوہدری شجاعت حسین نے اپنی زندگی کولاحق سنگین خطرات کے پیش نظرخودکواپنی مضبوط چاردیوار ی میں محدودکرلیاہے جبکہ آئندہ ماہ ہونے والے انتخابات پرغیریقینی منڈلارہی ہے۔انہوں نے اپنی نقل وحرکت محدود کردی ہے اورزیادہ ترلیڈرحکومت کی جانب سے سیکورٹی کیلئے کئے گئے انتظامات پربھروسہ کرنے کیلئے تیارنہیں ہیں،مسلم لیگ نوازکی سینٹرل ورکنگ کمیٹی کااجلاس پیرکواسلام آباد سے رائے ونڈ شریف برادران کی رہائش گاہ پرمنتقل کردیاگیاجوانتخابات سے متعلق خوف واندیشوں کاعکاس ہے۔وفاقی حکومت میں اعلی سطح کے ذرائع نے دی نیوزکومنگل کے روزبتایاکہ خفیہ معلومات جمع کرنے والے اداروں نے پتہ لگایاہے کہ بعض سیاسی رہنماؤں کی زندگی کوسخت خطرہ لاحق ہے کیونکہ پاکستان کے دشمنوں کے ہاتھوں میں کھیلنے والے کچھ انتہاپسند گروپ ان رہنماؤں کونشانہ بنانے کی سازش کررہے ہیں تاکہ ملک میں ہمیشہ عدم استحکام برقراررہے۔قانون نافذکرنے والے اداروں نے بعض شرپسندوں کوگرفتارکیا ہے جنہوں نے نشان زد ایسے سیاسی رہنماؤں کیلئے حتمی منصوبہ بنارکھاتھا جو ملک بھرمیں وسیع حمایت رکھتے ہیں۔ان شرپسندوں کے آقاشمال میں سرحد پاربیٹھے ہوئے ہیں اوران کوپاکستان کے روایتی دشمنوں کی سرپرستی بھی حاصل ہے۔متعلقہ اداروں نے دستاویزی ثبوت بھی حاصل کرلئے ہیں لیکن ان ثبوتوں کو عوام کے سامنے لانے میں ان کاحساس ہوناآڑے آر ہا ہے ۔ ذرائع نے بتایاکہ جن سیاسی رہنماؤں کوخطرے کاسامناہے، ان کوحکومت کی جانب سے مسلسل خطرات سے آگاہ کیا جا ر ہا ہے اوران سے درخواست کی جارہی ہے کہ وہ عوام سے رابطے میں ہراحتیاط کریں۔جن رہنماؤں کوخطرہ ہے انہیں ان کی سینیارٹی کی بنیادپرسیکورٹی فراہم کی گئی ہے اورانہیں اخراجات کی ادائیگی پرتربیت یافتہ سیکورٹی اہلکارفراہم کرنے کی پیشکش بھی کی گئی ہے ۔ دریں اثناء سیاسی مبصرین نے اس خوف کااظہارکیاہے کہ ملکی سطح کاقدکاٹھ رکھنے والے پنجاب کے رہنماؤں کوچھوٹے صوبوں میں سلامتی کاخطرہ ہوسکتاہے۔