September 14, 2007






چین نے کہا ہے کہ اسے امید ہے کہ ایران اپنے ایٹمی پروگرام کے بارے میں اعتراضات دور کرنے کے لیے اقوام متحدہ کے ادارے کے ساتھ بھر پور تعاون کرے گا۔

چین کے سرکاری خبر رساں ادارے زن ہوا نے وزیر خارجہ یانگ جیچھی کے حوالے سے کہاکہ چین ایران کے ایٹمی مسئلے کے پرامن تصفیے کے لیے کوششیں جاری رکھے گا۔

انہوں نے یہ بیان جمعے کے روز ایران کے دورے پر آئے ہوئے وزیر داخلہ مصطفیٰ پور محمدی کے ساتھ ایک اجلاس میں دیا۔

پور محمدی نے ایران میں نامہ نگاروں کو بتایا کہ ایران اور چین اس بات پر متفق ہیں کہ ایٹمی تنازعے کو مزید پابندیوں سے نہیں بلکہ گفت و شنید کے ذریعے حل کیا جانا چاہئیے ۔

ایران نے دھمکی دی ہے کہ مزید پابندیوں سے اقوام متحدہ کے ایٹمی ادارے کے ساتھ اس کا تعاون متاثر ہو سکتا ہے۔

جمعرات کے روز پور محمدی کے دورے کے آغاز پر چین نے ایٹمی توانائی کے بین الاقوامی ادارے کے ساتھ ایرانی تعاون میں اضافے پر زور دیا اور ایران کی ماضی کی ایٹمی سر گرمیوں کے بارے میں اعتراضات دور کرنے کے لیے آئی اے ای اے اور ایران کے درمیان معاہدے کا خیر مقدم کیا۔

__________________