بیروت ۔۔۔۔۔لبنان کی تنظیم حزب اللہ کے رہنماحسن نصر اللہ نے کہا ہے کہ امریکا نے اگر ایران پر حملہ کیا تو یہ اس کی سنگین غلطی ہوگی۔حسن نصر اللہ نے یہ بات بیروت میں ہزاروں حامیوں سے نشری خطاب میں کہی ۔انہوں نے کہا کہ ایران پر امریکی حملے سے یہ بات ثابت ہوجائے گی کہ خطے کی تباہی امریکا کے مفاد میں ہے۔اگر امریکا نے ایران پر حملہ کیا تو ایران اپنا دفاع خود کرے گا۔غزہ شہر میں خراب ہوتی ہوئی صورتحال اور اسرائیلی جارحیت کی حسن نصراللہ نے شدید الفاظ میں مذمت کرتے ہوئے کہا کہ صدر بش کادورہ اسرائیل اس بات کا مظہر ہے کہ امریکا فلسطینی علاقوں کی تباہی میں صیہونی ریاست کی پشت پناہی کررہا ہے۔