ایران کے شہر شیراز کے ایک مسجد میں دھماکہ سے8افراد شہیداور20 زخمی ہوگئے
تہران۔۔مانیٹرنگ ڈیسک۔۔ایران کے شہر شیراز میں مسجد کے اندر ہونے والے ایک دھماکہ میں کم از کم آٹھ شہید اور بیس سے زائد زخمی ہوگئے۔ ایرانی سرکاری ٹی وی کے مطابق ایران کے پانچویں بڑے شہر شیراز کی ایک مسجد یہ دھماکہ اس وقت ہوا جب خطیب مسجد خطاب کررہا تھا ۔ ابتدائی اطلاعات کے مطابق دھماکے میں اب تک آٹھ افراد شہید اور بیس سے زائد شدید زخمی ہوگئے ہیں۔ واقعہ کے بعد شہر کی ہسپتالوں میں ایمر جنسی نافذ کردی گئی ہے جبکہ دالحکومت تہران سمیت تمام شہروں میں سیکورٹی سخت کردی گئی ہے۔ یاد رہے کہ گزشتہ سال4فروری کوزاہدان شہر میں ایرانی سیکیورٹی فورسز کی ایک گاڑی کودھماکہ سے اڑا گیا تھا جس میں درجن سے زائد اہلکار زخمی ہوگئے۔اس دھماکہ کے بعد آج ہونے والا یہ دھماکہ سب سے بڑا دھماکہ ہے