ایف پی سی سی آئی نے کولکتہ انٹرنیشنل میگا ٹریڈ میں شرکت کے لئے درخواستیں طلب کرلیں



کراچی (اسٹاف رپورٹر) ایف پی سی سی آئی کے صدر تنویر احمد شیخ کی ہدایت پر فیڈریشن کو فیئرز اینڈ ایگزی بیشن کمیٹی کے چیئرمین شیخ فاروق نے پاکستانی مصنوعات کے فروغ کے لئے کولکتہ میں ہونے والی انٹرنیشنل میگا ٹریڈ میں شرکت کرنے کے لئے درخواستیں طلب کرلی ہیں۔ یہ بین الاقوامی ایگزی بیشن 31 جنوری سے 10 فروری تک منعقد ہوگی۔ اپنے جاری کردہ بیان میں شیخ فاروق نے کہا کہ بین الاقوامی مارکیٹ میں مقابلے کے بڑھتے ہوئے رجحان کو دیکھتے ہوئے ضرورت اس امر کی ہے کہ پاکستان اپنی مخصوص صلاحیتوں اور ہنرکو بروئے کار لاتے ہوئے اپنی پہچان کرائے اور منظرعام پر لائے۔ انہوں نے مزید کہا کہ ہمارے ملک میں وسیع ہنر موجود ہے اور ہماری مصنوعات بھی عالمی تجارتی برادری میں نمایاں مقام رکھتی ہیں مگر مناسب تشہیر نہ ہونے کی وجہ سے مصنوعات مقام حاصل نہ کرسسکیں۔اس لئے اس طرح کی نمائش سے ملکی مصنوعات کی بین الاقوامی منڈی میں شناخت کرائی جاسکتی ہے۔