ذوالفقار مرزا کےخلاف عدم کارروائی پرمتحدہ کے پاس حکومت میں رہنے کا کوئی اخلاقی جواز نہیں ہوگا
حامد میر ،کامران خان اور نذیر ناجی کے متحدہ کے تحت بھٹ شاہ میں ہونے والے جلسے پر تبصرے
کراچی(ٹی وی رپورٹ) سینئر صحافی حامد میر نے ایم کیو ایم کے بھٹ شاہ میں ہونے والے جلسے پر اپنے تبصرے میں کہا کہ ایم کیو ایم آہستہ آہستہ حکومت سے علیحدگی کے لئے پر تول رہی ہے۔ ان کا کہنا تھا کہ متحدہ کے کچھ تحفظات ہیںکہ مسلم لیگ ق حکومت میں شامل نہ ہوجائے۔ حامد میر کا کہنا تھا کہ لگتا یہی ہے کہ ایم کیو ایم نے صبر کیا ہے اور حالات و واقعات اسے ایسی صورتحال کی طرف دھکیل رہے ہیں کہ اس کے پاس حکومت سے علیحدہ ہونے کے علاوہ کوئی دوسرا راستہ نہیں ہوگا۔ حامد میر نے کہا کہ گیند آصف زرداری کے کورٹ میں ہے۔ صدر زرداری نے متحدہ کے وفد کو یقین دلایا تھا کہ ذوالفقار مرز اکے بیان پر کارروائی کی جائے گی۔ حامد میر نے کہا کہ اگر ذوالفقار مرزا کے بیان پر 2,3 ہفتوں میں کارروائی نہیں ہوئی توایم کیو ایم کے پاس حکومت میں رہنے کا کوئی اخلاقی جواز نہیں ہوگا ،ایم کیو ایم کو نہ صرف مرکز بلکہ صوبائی حکومت سے بھی علیحدہ ہونا ہوگا۔ حامد میر نے کہا کہ ایم کیو ایم کے قائد نے اگر ایسا نہ کیا تو وہ آئندہ سندھ میں اتنا بڑا جلسہ نہیں کر پائیں گے۔ سینیئر صحافی کامران خان نے بھٹ شاہ میںایم کیو ایم کے ہونے والے جلسے پر تبصرہ کرتے ہوئے کہا کہ یہ پی پی پی کی بے چارگی اور بے بسی کی انتہا ہے کہ ایم کیوایم کی جانب سے اتنی مخالفت کے باوجود پی پی پی حکومت کی ہمت نہیں ہوتی کہ ایم کیو ایم سے رخصت اختیار کریں۔ کامران خان کا کہنا تھا کہ شاید اس بات کاایم کیو ایم کو احساس ہے اوراس کی قیادت روزپی پی پی حکومت کو کھلم کھلا چیلنج دیتی ہے۔ کالم نگار اور صحافی نذیر ناجی نے ایم کیو ایم کے جلسے پر تبصرہ کرتے ہوئے کہا کہ جب بھی کوئی جماعت آزمائش کی طرف بڑھ رہی ہوتی ہے تو اس کی سب سے بڑی طاقت یہ ہوتی ہے کہ وہ عوام کی تائید اور حمایت کے ساتھ قدم اٹھائے توایم کیو ایم کے قائد الطاف حسین یہی صورتحال سامنے رکھتے ہوئے عوام سے تائید حاصل کررہے ہیں۔ عوام سے حمایت کی اپیلیں کررہے ہیں اور وہ چاہتے ہیں کہ اگر وہ کوئی قدم اٹھائیں تو ان کو عوام کی تائید و حمایت حاصل ہو۔
روزنامہ جنگ راولپنڈی
26-12-10, 06:22 AM
26-12-10, 06:22 AM
Linear Mode
Similar Threads
