ایم کیو ایم کے شکایتی سیلوں کا قیام متاثرین کی جانب سے خیرمقدم



کراچی (پ ر) متحدہ قومی موومنٹ کے مرکز نائب زیرو سے متصل خورشید بیگم میموریل ہال عزیز آباد سمیت سندھ کے مختلف شہروں میں قائم کئے گئے ”شکایتی سیلوں“ کا عوام بالخصوص جلاؤ گھیراؤ اور لوٹ مار کے واقعات سے متاثرہ عوام کی جانب سے زبردست خیرمقدم کیا جارہا ہے۔ کراچی سمیت سندھ کے مختلف شہروں میں قائم کئے گئے شکایتی سیلوں میں دوسرے روز بھی متاثرین نے بڑی تعداد میں رابطہ کیا اور اپنے نقصانات کی تفصیلات جمع کرائیں۔ تفصیلات کے مطابق سانحہ 27/دسمبر لیاقت باغ راولپنڈی کے بعد شرپسند عناصر اور مسلح دہشت گردوں کی جانب سے کراچی سمیت سندھ بھر میں جلاؤ، گھیراؤ، لوٹ مار اور پرتشدد واقعات سے متاثرہ افراد نے جن میں غریب و متوسط طبقے کے افراد کے علاوہ فیکٹری مالکان، تاجر برادری، دکاندار اور دیگر متاثرہ افراد شامل ہیں۔ عزیز آباد کراچی اور سندھ کے مختلف شہروں میں قائم ایم کیو ایم کے شکایتی مراکز پر پہنچ کر اپنی تباہ شدہ املاک اور نقصانات کی تفصیلات اور کوائف جمع کرائے۔