لاہور…جماعت اسلامی کے سابق امیرقاضی حسین احمدنے کہاہے کہ این آر او سے جن لوگوں نے فائدہ اٹھایا ہے ان کے پاس صرف دو راستے ہیں، یاتو وہ اپنی ضمانتیں کرا لیں اوریا پھر ملک چھوڑ کر چلے جائیں۔یہ بات انہوں نے شوکت خانم میموریل ٹرسٹ اسپتال لاہورمیں تحریک انصاف کے سربراہ عمران خان کی عیادت کے بعد میڈیا سے گفتگوکرتے ہوئے کہی،قاضی حسین احمدنے کہاکہ این آراوکے تحت ختم کئے گئے مقدمات ری اوپن کرنے کی ضرورت ہے ان کاکہناتھاکہ ملک اس وقت سیاسی بحران سے دوچارہے، فرینڈلی اورخاموش اپوزیشن کی وجہ سے قیادت کا فقدان ہے،معصوم شہری دہشت گردی کانشانہ بن رہے ہیں، سابق امیرجماعت اسلامی نے کہاکہ ڈیڑھ ارب ڈالرکی امریکی امدادکے لیے اپنی آزادی اورخودمختاری بیچنا گھاٹے کا سودا ہے۔

ـــــــــــــــــــــــــ ــــــــــــــــ
روزنامہ جنگ۔