پشاور . . . وفاقی وزیر ریلوے غلام احمد بلور نے کہا ہے کہ این آر او بری چیز نہیں لیکن اس سے بدعنوان اور لوٹ مار کرنے والوں کو فائدہ نہیں ملنا چاہیئے۔ وہ پشاور میں نماز عید کی ادائیگی کے بعد میڈیا سے گفت گو کررہے تھے۔ انہوں نے کہا کہ پاکستان جیسے ملک جہاں انتقام کی سیاست ہوتی ہے وہاں این آر او ضروری ہے۔ تاہم اس سے لوٹ مار کرنے والوں کو فائدہ نہیں ملنا چاہیئے۔ غلام بلور کا کہنا تھا کہ موجودہ دہشت گردی میں ملکی اور غیر ملکی ہاتھ ملوث ہیں۔ ان کے مطابق ملک میں امن و امان کی بہتری کے لئے ہمیشہ سے ہمسایہ ممالک کے ساتھ بہتر تعلقات کے حق میں ہیں۔ جب تک بیرونی ممالک سے تعلقات اچھے نہیں ہوتے ملکی حالات ٹھیک نہیں ہوں گے-
ـــــــــــــــــــــــــ ـــــــــ
روزنامہ جنگ۔