ایٹمی پروگرام پر کسی بھی ملک سے بات چیت کیلئے تیارہیں،ایران
ہمدان…ایران نے کہا ہے کہ وہ اپنے ایٹمی پروگرام پر کسی بھی ملک سے بات چیت کے لیے تیار ہے ۔ لیکن یہ پروگرام روکنے کے لیے عالمی برادری کا کوئی دباؤ برداشت نہیں کرے گا۔یہ بات ایرانی صدرمحموداحمدی نژاد نےHamedan شہرکے دورے میں خطاب کرتے ہوئے کہی ۔ اس سے پہلے ایرانی صدر نے اپنے ایٹمی پروگرام پر کسی بھی ملک سے بات چیت کے امکان کو مسترد کردیا تھا۔ہمدان میں خطاب کے دوران انہوں نے کہا کہ ایرانی قوم ایٹمی تنازع کے حل کے لئے کسی بھی ملک کے ساتھ مذاکرات کے حق میں ہے۔ لیکن اگر ایران کے ساتھ کوئی دھوکے بازی کی گئی تو دھوکے بازوں کے ساتھ سختی سے نمٹا جائے گا۔ انھوں نے کہا کہ دنیا میں کوئی بھی ملک ایران اور ایرانی قوم کونقصان پہنچانے اور اس کے حقوق پامال کرنے کی جرات نہیں کرسکتا۔

__________________