ایک ماہ میں پیاز کی قیمت میں 67.39 فیصد، آلو 21.31 فیصد،گھی7.2،کوکنگ آئل 5.15، چینی 4.60، دودھ 3.5، گندم 2.29 فیصد اضافہ ہوا
گزشتہ ایک سال کے دوران بجلی، ٹرانسپورٹ اور گھروں کے کرایوں میں جتنا اضافہ ہوا ہے، انڈکس میں وہ ظاہر نہیں ہوتا، سیکرٹری شماریات
اسلام آباد (اظہر سید خبرنگارخصوصی) وفاقی حکومت کے سروے کے مطابق ایک سال کے دوران ملک میں مہنگائی کی شرح15.5 فیصد ہو گئی جبکہ اشیائے ضرورت کی قیمتوں میں 160 فیصد تک اضافہ ہوا ہے۔ گزشتہ سال مہنگائی کی شرح10.51 فیصد تھی۔سیکرٹری شماریات آصف باجوہ نے گزشتہ روز یہاں پریس کانفرنس میں بتایا کہ گزشتہ سال کی نسبت افراط زر کی شرح میں اضافہ کا بنیادی سبب کنزیومر، ہول سیل اور حساس اشیاءضروریہ کی قیمتوں میں اضافہ ہوا ہے۔ نومبر2010 ءمیں کنزیومر پرائس میں 1.52 فیصد ہول سیل 3.48 فیصد جبکہ حساس اشیاءکی قیمتوں میں 3.79 فیصد اضافہ ہوا۔ گزشتہ سال نومبر2009 ءکی نسبت کنزیومر پرائس 10.51 سے بڑھ کر 15.50 ہول سیل قیمتیں12.46 سے بڑھ کر 24.65 جبکہ سی پی انڈیکس حساس اشیاءکی قیمتیں10.75 سے بڑھ کر 23.25 فیصد تک پہنچ گئیں۔اکتوبر2010 ءسے نومبر2010 ءکے دوران ایک ماہ میں پیاز کی قیمت میں 67.39 فیصد آلو کی قیمت میں 21.31 فیصد خوردنی گھی کی قیمت میں 7.2 فیصد مچھلی کی قیمت میں 5.50 فیصد چینی کی قیمت میں 5.15 فیصد چینی کی قیمت میں 4.60 فیصد ڈرائی فروٹ کی قیمت میں 3.82 فیصد،سلے ہوئے ملبوسات کی قیمت میں 3.1 فیصد دودھ کی قیمت میں 3.5 فیصد گوشت کی قیمت میں 2.46 فیصد گندم کی قیمت میں 2.29 فیصد چاول کی قیمت میں 1.73 فیصد،ڈبے کے دود ھ اور بیکری کی اشیاءمیں 1.24 اور 1.32 فیصد بالترتیب اور آٹے کی قیمت میں 1.14 فیصد اضافہ ہوا ہے۔ ایل پی جی کی قیمتوں میں 1.31 اور لکڑی کی قیمت میں 3.50 فیصد اضافہ ہوا۔ شادی گھروں پلاسٹک کی مصنوعات اور فرنیچر کی قیمتیں بھی بالترتیب 3.48 فیصد1.13 فیصد اور 1.06 فیصد بڑھ گئیں۔ ڈاکٹروں کی خدمات کی قیمت میں 8.97 فیصد اضافہ ہوا۔ ایک ماہ کے دوران ٹماٹر کی قیمت میں 16.6 فیصد کمی ہوئی جبکہ مرغی سبزیوں تازہ پھلوں اور انڈوں کی قیمت میں 14.40،9.79 ،7.33 اور 6.66 فیصد کمی ہوئی۔ وفاقی محکمہ شماریات نے پہلی مرتبہ اعتراف کیا کہ کنزیومر پرائس انڈکس میں مہنگائی کی بڑھتی ہوئی شرح کے حوالہ سے تبدیلیاں ناگزیر ہیں اور مہنگائی کی شرح ماپنے کیلئے اشیاءکی قیمتوں کیلئے نیا انڈکس مقرر کیا جائے گا جس سے بعض اشیاءبجلی گھروں کے کرائے اور ٹرانسپورٹ کا حصہ بڑھا دیا جائے گا۔ ذمہ دار حکام کا کہنا ہے کہ گزشتہ ایک سال کے دوران بجلی ٹرانسپورٹ اور گھروں کے کرایوں میں جتنا اضافہ ہوا ہے۔ مہنگائی کے انڈکس میں وہ مکمل ظاہر نہیں ہوتا۔ ٹرانسپورٹ اور کمیونیکیشن کا حصہ مہنگائی کے انڈکس میں محض 7.32 فیصد ہے جبکہ بجلی کا حصہ 7.9 فیصد ہے۔ذرائع کا کہنا ہے کہ عام گھرانے کی آمدن کا 70 فیصد حصہ بجلی ٹرانسپورٹ اور گھر کے کرایہ میں خرچ ہو جاتا ہے جبکہ مہنگائی کے انڈیکس میں یہ ظاہر نہیں ہوتا۔ مونگ کی دال میں ایک سال کے دوران 160 فیصد چینی کی قیمت 81 فیصد پیاز میں 65 فیصد ماش کی دال کی قیمت میں 56 فیصد سبزیوں کی قیمت میں 47 فیصد چنے کی دال میں 44 فیصد مواصلات کی قیمتوں میں 39 فیصد بیسن اور ٹماٹر کی قیمتوں میں 39 فیصد آلو اور گوشت کی قیمت میں 28 فیصد اضافہ ہوا ہے جبکہ مٹی کا تیل خوردنی تیل گھی پٹرول ڈیزل بجلی انڈوں سگریٹ ملبوسات دودھ چائے سی این جی قدرتی گیس ڈرائی فروٹ فرنیچر خشک دودھ ڈاکٹروں کی فیس ادویات گاڑیوں ائرکنڈیشنر فریج چاول جہاز کے کرایوں سیونگ کے سامان نہانے کے صابن، سرف، جوتے،ٹیکسٹ بکس، گندم، آٹے، ٹرین کے کرایوں اور ماچس کی ڈبیہ کی قیمتوں میں بھی ایک سے 10 فیصد تک اضافہ ہوا ہے۔ ایک سال کے دوران صرف دو چیزوں کی قیمتوں میں کمی ہوئی ہے جس میں میوہ اور مسور کی دال شامل ہیں جن میں بالترتیب 0.44 اور 1.18 فیصد کمی ہوئی ہے۔
روزنامہ جنگ راولپنڈی
10-12-10, 05:34 AM
10-12-10, 05:34 AM
Linear Mode
Similar Threads
