25 اگست 2010
کویت سٹی (نیٹ نیوز ) غیر شادی شدہ خواتین کی تعداد میں کمی کے لیے کویت میں ایک رکن پارلیمان نے مردوں کو دوسری بیویاں رکھنے کی اجازت دینے اور ان کی مالی مدد کرنے کی تجویز پیش کی ہے۔پارلیمان کے آزاد رکن فیصل الدویسان کا کہنا ہے کہ ان کی تجویز کا مقصد غیر شدہ خواتین کے مسئلہ کو حل کرنا ہے جنہیں ہمارے معاشرے میں مسائل کا سامنا ہے۔ اس کے علاوہ رنڈوے، بیواﺅں اور مطلقہ مرد و خواتین کی دوسری شادیوں کے لیے حوصلہ افزائی کرنا ہے تاکہ وہ اپنے نئے خاندان بسا سکیں۔کویت میں پہلے ہی مردوں کو ایک خاتون شہری سے پہلی مرتبہ شادی کرنے پر”شادی مدد“کے نام پر چار ہزار دینار کی رقم دی جاتی ہے، اس میں سے نصف رقم گرانٹ کی شکل ہوتی ہے اور باقی بغیر سودی قرضہ ہوتی ہے جو آسان اقساط کی صورت میں واپس کرنا ہوتی ہے۔لیکن دویسان نے تجویز کیا ہے کہ حکومت دوسری شادی کرنے والے مردوں کو اضافی امدادی پیکج دے۔ تاہم اس کے لیے ایسے مردوںپرکچھ شرائط پورا کرنا لازم ہو گاجس میں موجودہ بیویوں سے دوسری شادی کے لیے تحریری اجازت نامہ بھی شامل ہے تاہم رنڈوے یا خلع یا طلاقایسی شارئط سے مبرا ہیں ۔شیعہ رکن پارلیمان کی جانب سے پارلیمان میں پیش کی جانے والی تجویز میں کہا گیا ہے کہ ”ایسے مرد حضرات جن خواتین سے دوسری شادی کرنا چاہتے ہیں وہ مطلقہ یا بیوائیں ہوں یا ان کی عمر کم سے کم چالیس سال ہونی چاہیے اور ان کی پہلے کبھی شادی نہ ہوئی ہو“۔اب پارلیمانی پینلز اس تجویز کا جائزہ لیں گے جس کے بعد اسے بحث کے لیے پارلیمان میں پیش کیا جائے گا۔ اگر یہ منظور ہو جاتی ہے تو پھر یہ قانون بن جائے گی۔یہاں یہ امر قابل ذکر ہے کہ پاکستان میں بھی یہ تجویز پناب اسمبلی میں پیش کی گئی تھی جو غیر سنجیدگی کا شکار اور اس تجویز کی حمائت پر ثمینہ خاور حیات تنقید کا نشانہ بنی تھیں[/CENTER][/RIGHT][/LEFT][/RIGHT][/CENTER] ۔

__________________
جاویداسد