ای او بی آئی میں رجسٹرڈ کارکنوں کی تعداد28 لاکھ سے تجاوزکرگئی
کراچی (اسٹاف رپورٹر) ماہ جنوری2008ء تک ای او بی آئی میں رجسٹر ہونے والے57339 صنعتی و تجارتی اداروں کے ملازمین و کارکنان کی تعداد 28 لاکھ 14 ہزار337 ہوگئی اس طرح گزشتہ مہینے کے آخر تک اس ادارے کے پنشنرز کی تعداد 3 لاکھ 24 ہزار 618 ہوگئی ان میں 2 لاکھ 14 ہزار ضعیف العمر پنشنر اور91 ہزار 754 بیوائیں اور یتیم بچے شامل ہیں۔ صنعتی و تجارتی اداروں کے ملازمین اور ان کے لواحقین کو پنشن دینے والا یہ ادارہ اب تک 22 ارب 81 کروڑ 23 لاکھ روپے سے زائد رقم پنشن کی مد میں ادا کر چکا ہے جب کہ کنٹری بیوشن کے طور پر ابتدا سے اب تک آجران اور ملازمین سے35 ارب 86 کروڑ روپے سے زائد وصول کیے گئے ہیں۔ وصول شدہ کنٹری بیوشن کی بہتر سرمایہ کاری کے ذریعے اب تک پنشن فنڈ 144 ارب روپے سے تجاوز کر چکا ہے۔ یہ بات بھی قابل ذکر ہے کہ ای او بی آئی کے ازالے کے لیے کال فری سینٹر قائم کیا ہے اب 088-111-21 پر مفت کال کے ذریعے ای او بی آئی سے متعلق معلومات حاصل یا شکایات درج کرائی جا سکتی ہیں جن پر فوری ایکشن لیا جاتا ہے۔ (021-2761111) پر ادارے سے متعلق مفصل معلومات حاصل کی جا سکتی ہیں۔ اس کے علاوہ او بی آئی کی ویب سائٹ www.eobi.gov.pk پر ادارے کے بارے میں ہر قسم کا ریکارڈ اور مواد دستیاب ہے۔

__________________