بابر اعوان کو ایک اورمقدمے میں بھاری فیس کی ادائیگی

**گلاب خان** · 15-09-11, 05:08 AM

اسلام آباد (عمر چیمہ) ایک اور کیس سامنے آیا ہے جس میں وزارت قانون نے وکیل کے طور پر بابر اعوان کی خدمات حاصل کی ہیں جس سے ظاہر ہوتا ہے کہ یہ طے شدہ سرکاری پالیسی ہے کہ ہر اہم حکومتی کیس سابق وزیرقانون کو دیا جائے اور ان کو قانونی یا غیرقانونی طور پر بھاری معاوضہ دیا جائے۔ اس مرتبہ بابر اعوان کی فیس وزارت خزانہ اور وزارت کامرس کے درمیان اور تنازع بن گئی ہے کیونکہ موخرالذکر کو ایک حکم امتناع خارج کرانے کیلئے 3.5 ملین روپے ان کو دینے کیلئے مجبور کیا گیا ہے جبکہ وزارت کے پاس ان کو ادا کرنے کیلئے فیس نہیں ہے۔ اس کے نتیجے میں وزارت کامرس نے وزارت خزانہ کو ضمنی گرانٹ کی استدعا کی تاکہ ادائیگی کی جاسکے لیکن اس کی یہ درخواست مسترد کردی گئی جس سے تنازع کھڑا ہوگیا۔ اس پر وزارت کامرس نے بابراعوان کی فیس کی ادائیگی کیلئے اپنے بجٹ میں ردو بدل کی کیونکہ وہ فیس کی ادائیگی تک عدالت میں حاضر ہونے سے گریزاں تھے۔ اس امر کی تصدیق دستاویزات سے ہوتی ہے اور متعلقہ عہدیداروں نے بھی کی ہے۔ دستاویزات سے ظاہر ہوتا ہے کہ کامرس منسٹری نے سینئر وکیل کی خدمات حاصل کرنے کیلئے اجازت طلب کرنے کی غرض سے وزارت قانون کو لکھا اور وزارت قانون نے کامرس کی مرضی کے بغیر ہی بابراعوان کو ان کا وکیل مقرر کردیا۔ موجودہ سیکرٹری قانون اور بابراعوان کے متوسل مسعود چشتی کی ایماءپر وزارت قانون کی طرف سے لکھے گئے خط میں کہا گیا کہ ”مجاز اتھارٹی مذکورہ بالا کیس میں ڈاکٹر ظہیر الدین بابراعوان کو وکیل مقرر کرنے پر رضا مند ہے“۔ اسلام آباد ہائیکورٹ میں حکم امتناع میرٹ کی خلاف ورزی کرتے ہوئے بیرون ملک مختلف سفارتخانوں میں سیاستدانوں کے بیٹے بیٹیوں کو کمرشل اتاشی مقرر کرنے سے متعلق ہے۔ ان تعیناتیوں کو کامرس اینڈ ٹریڈ گروپ کے افسروں نے چیلنج کیا ہے اس حوالے سے ان کو نظر انداز کیا گیا وزیراعظم آفس اس حوالے سے کارروائی کے بارے میں باقاعدہ معلومات حاصل کرتا ہے اور سیکرٹری کامرس ہر سماعت کے موقع پر عدالت میں موجود ہوتے ہیں۔ کیونکہ ہر خط کی کاپی وزیراعظم کے پرنسپل سیکرٹری کو بھجوائی جاتی ہے۔ کامرس سیکرٹری عدالت آتے ہیں اس کے باوجود کہ ان کو کبھی بھی اصالتاً حاضر ہونے کیلئے نہیں کہا گیا۔ اس کیس میں اعلیٰ سطح دلچسپی کی منطق کی وضاحت کرتے ہوئے باخبر عہدیداروں نے بتایا کہ عدالتی معاملہ حل ہونے پر سیاسی طور پر تعینات ہونے والوں کو بطور کمرشل اتاشی انڈکٹ کرنے کیلئے ایک فہرست پہلے ہی دیدی گئی ہے کوئی بھی مخالفانہ فیصلہ ان سیاسی بھرتیوں کے منصوبے کو روک سکتا ہے۔ ایک حکم امتناع خارج کرانے کیلئے بابر اعوان کی فیس جسٹس (ر) طارق محمود کو سپریم کورٹ میں ایک کیس میں ادا کی گئی فیس کے حجم سے بالکل برعکس ہے ۔ مراسلہ نمبر U.O.No.7(I)/2011 Amm-V dt,9/8/2011 کافی معلوماتی ہے۔ مراسلہ سے ظاہر ہوتا ہے کہ بابر اعوان کی خدمات بغیر استدعا یا طلب کئے حاصل کی گئیں۔ اس کے جواب میں وزارت قانون نے پہلے آصف محمود اور پھر رمضان چوہدری کو (دونوں بابر اعوان کے ایسوسی ایٹ ہیں اور ان کے چیمبر میں کام کرتے ہیں) بالترتیب 5 لاکھ اور 10 لاکھ معاوضے کے بدلے میں نامزد کردیا۔ آیا ان کو بھی ادائیگی کی جائے گی یا نہیں یہ ابھی فیصلہ نہیں ہوا۔ آخر میں بابر اعوان کو نامزد کردیا گیا جنہوں نے اسلام آباد ہائیکورٹ میں پیشی کیلئے 35 لاکھ روپے پیشہ ورانہ فیس طلب کی ہے۔ مراسلے میں مزید کہا گیا کہ چونکہ اخراجات پہلے سے طے شدہ نہ تھے۔ اس لئے وزارت خزانہ سے استدعا ہے کہ وکیل کو فیس ادا کرنے کیلئے 35 لاکھ روپے کی ضمنی گرانٹ کی منظوری دی جائے“۔ وزارت کامرس کے مراسلے کے جواب میں وزارت خزانہ نے لکھا کہ اس کے پاس فالتو اخراجات کیلئے ضمنی گرانٹ دینے کے فنڈز نہیں ہیں اور ساتھ ہی وزارت کامرس کو تجویز دی کہ وہ فیس کی ادائیگی کیلئے اپنے فنڈز یا بجٹ میں ردوبدل کرے اور بالآخر ایسا ہی کیا گیا۔

روزنامہ جنگ راولپنڈی

**نیلم خان** · 15-09-11, 07:00 AM

اب تو بابر اے ون صاحب بھی کہتے ہوں گے

پاکستان کھپے پاکستان کھپے

15-09-11, 07:00 AM	#2
نیلم خان ذیلی ناظم تاریخ شمولیت: Aug 2009 مقام: Rawalpindi مراسلات: 11,904 کمائي: 561,119 شکریہ: 25,573 10,451 مراسلہ میں 38,591 بارشکریہ ادا کیا گیا	اب تو بابر اے ون صاحب بھی کہتے ہوں گے پاکستان کھپے پاکستان کھپے Share Share this post on Digg Del.icio.us Technorati Twitter Facebook!

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
عوامی نوعیت کا ایک ایس ایم ایس	گلاب خان	میرا پاکستان	0	21-08-10 03:15 AM
بجٹ کے ثمرات عوام تک پہنچنا شروع گیس کی قیمت میں 3روپے کلو اضافہ	جاویداسد	خبریں	0	11-06-10 07:49 PM
جرمنی میںاسلام کے خلاف کانگریس کو عوام نے ناکام بنا دیا	ماسٹر مقسود	اسلام اور مغربی دنیا	2	03-01-09 01:37 PM
عورت کے جسم میں چھبیس سویاں	عبدالقدوس	دلچسپ اور عجیب	15	04-11-08 11:38 PM
بھارت: مہنگائی کیخلاف عوامی ردعمل میں اضافہ، اپوزیشن کا کانگریس پر دباؤ	عبدالقدوس	خبریں	0	13-04-08 08:49 AM

Currently Active Users Viewing This Thread: 1 (0 members and 1 guests)