نیوز ایجنسی این این آئی کی طرف سے مختلف اخبارات میں شائع ہونے والی رپورٹ کے مطابق وزارت پانی وبجلی ملک بھر میں ایک کروڑ پنسٹھ لاکھ گھریلو صارفین کےلئے ٹائم آف یوزمیٹر(ٹی او یو)کے نام سے بجلی کا ایک نیا میٹر متعارف کروارہی ہے جس کی بدولت صارفین کو بجلی شام چار گھنٹے کے مصروف اوقات کے دوران میں دس روپے ترانوے پیسے فی یونٹ کے حساب سے ملے گی جبکہ باقی ماندہ اوقات میں بجلی کا نرخ چھ روپے 67پیسے فی یونٹ ہوگا۔اس طرح جو صارفین می میٹرلگوائیں گے انہیں‌بجلی کی مد میں پچیس سے تیس فیصد اخراجات یعنی بل کی بچت ہوگی ذرائع کے مطابق سال کو مصروف ترین اوقات کی نسبت سے چار حصوں میں تقسیم کیا گیا ہے دسمبر سے فروری تک یہ اوقات شام پانچ سے نوبجے رات تک ہونگے جبکہ مارچ سے مئی تک چھ بجے سے رات دس بجے تک جون سے اگست تک شام سات بجے سے رات گیارہ بجے تک اور ستمبر سے نومبر تک شام چھ بجے سے دس بجے تک ہونگے ان چارگھنٹوں کے دوران میں خرچ ہونے والی بجلی مہنگی ہوگی لہذا جو صارفین ان اوقات میں استری جوسر واشنگ مشین ہیٹر۔کارپٹ کلینر بجلی کا تندور یا اے سی وغیرہ کے استعمال میں کمی کریں گے ان کا بجلی کا خرچ کم ہوگا ذرائع کا کہنا ہے کہ اگر ٹی او یومیٹر سکیم کامیاب ہوگئی تو لوڈشیڈنگ کی بھی ضرورت نہیں‌رہے گی۔ دریں اثنائ پاکستان اٹامک انرجی کمیشن کے ذرائع کے مطابق چشمہ نیوکلیئر پاورپلانٹ کی مرمت کا کام مکمل ہونے کے بعد بحال کردیا گیا ہے اور اس سے بجلی کی پیدوار جلد شروع ہوجائے گا

__________________
جاویداسد