بجلی کی قیمت میں اضافے کے باوجودلوڈ شیڈنگ کا طویل دورانیہ برقرار

جیو ٹی وی رپورٹ

کراچی...کراچی الیکٹرک سپلائی کمپنی نے بجلی کی قیمت میں اضافے کے باوجود شہر میں جاری لوڈ شیڈنگ کے دورانئے میں کمی کرنے سے انکار کر دیا ہے،طویل لوڈ شیڈنگ کے باعث رہائشی علاقوں میں شہریوں کو شدید مشکلات کا سامنا کرنا پڑ رہا ہے۔کے ای ایس سی ذرائع کے مطابق شہر میں بجلی کی طلب1900ہو جانے کے باوجود غیر اعلانیہ لوڈ شیدنگ کا سلسلہ جاری ہے اور انتظامیہ نے خراب مالی حالت کو جواز بناتے ہوئے نجی بجلی گھروں سے بجلی نہ خریدنے بن قاسم پاور پلانٹ کی پیداوار کو محد کرنے کا فیصلہ کر لیا ہے،1185میگاواٹ بجلی کی پیداوار کرنے والے پلانٹ سے500 میگاواٹ بجلی حاسل کی جا رہی ہے جبکہ کورنگی تھر مل پاور پلانٹ سے150 میگاواٹ اور کینپ سے80 میگاواٹ بجلی حاصل کی جارہی ہے۔ذرائع کے مطابق بجلی کی طلب میں کمی کے باوجود نیو کراچی ،نارتھ کراچی ،بنارس ،نارتھ ناظم آباد ،بفر زون ،اورنگی اور ناظم آباد میں چھ سے سات گھنٹے کی غیر اعلانیہ لوڈ شیڈنگ کی جارہی ہے۔دوسری جانب کے ای ایس سی کے ترجمان کاشف آفندی کا کہنا ہے کہ بجلی کی قیمت میں اضافے کے بعد بلوں کی وصولی کے حوالے سے نئے طریقہ کار وضع کرنے پر غور کیا جارہا ہے اور اس حوالے سے کے ای ایس سی کے ایم ڈی نوید اسماعیل بہت جلد وزارت بجلی و پانی کے اعلیٰ حکام سے ملاقات کریں گے