05 ستمبر 2010
مناما (مانیٹرنگ ڈیسک ) بحرین می کی ایک عدالت نے 23 افراد پرسیاسی حکومت کا تختہ الٹنے کی منصوبہ بندی کے الزام میں فردجرم عائدکر دی گئی ہے۔بحرین کی خبر رساں ایجنسی کے مطابق ان افراد نے غیر قانونی طریقے سے حکومت گرانے کے لیے ملکاور بیرون ملک خفیہ اجلاس کیے تھے فرد جرم میںجن دس مشتبہ افراد کی نشاندہی کی گئی ہے، ان میں آٹھ اپوزیشن ارکان بھی شامل ہیں جو اگست کے وسط سے زیر حراست ہیں، انہیںاس نیٹ ورک کے قائدین قرار دیا گیا ہے اور ان پر قومی سلامتی کو نقصان پہنچانے کا الزام ہے ۔ بحرین کے پبلک پراسیکیوشن افسر عبدالرحمان السید کا کہنا ہے کہ''دہشت گردی کے اس بڑے پیچیدہ نیٹ ورک نے اندرون اور بیرون ملک اپنی کارروائیوں کے ساتھ تشدد کی ایک منظم مہم کی منصوبہ بندی کی تھی جس کا مقصد قومی سلامتی کو نقصان پہنچانا تھا''۔انہوں نے کہا کہ 'کہ ان افراد پر متعددجرائم کے الزامات ہیں جن میں تشدد کو ہوا دینے ، بحرین کے خلاف پروپیگنڈا مہم برپا کرنے اور حکومت کو بزور طاقت اقتدار سے نکال باہر کرنے سے متعلق الزامات شامل ہیں''۔ گرفتار افراد میں شیخ محمد المقداد، شیخ سعید النوری، عبدالغنی علی عیسیٰ خانجر، جعفر الحسیبی، عبدالہادی المخیدر اور عبداللہ عیسیٰ عبداللہ شامل ہیں۔فرد جرم میں تیرہ شیعہ افرادکے نام بھی شامل ہیں۔ بیشتر مشتبہ افراد حق یا تحریک برائے آزادی اور جمہوریت کے ارکان ہیں۔ موخر الذکر گروپ بحرین میں اہل تشیع کی سیاسی جماعت اسلامی نیشنل اکارڈ ایسوسی ایشن سے الگ ہوا تھا۔

__________________
جاویداسد