کراچی ( اسٹاف رپورٹر ) بہادر آباد کارساز کے قریب پاکستان نیوی کی بس پر بم حملے میں شدید زخمی ہونے والا پاکستان نیوی کا اہلکار دوران علاج چل بسا۔ تفصیلات کے مطابق بہادر آباد تھانے کی حدود کارساز پل کے قریب گذشتہ روز پاکستان نیوی کی بس پر ہونے والے بم حملے میں شدید زخمی ہونے والا پاکستان نیوی کا اہلکار اشرف ولد جلال دین اسپتال میں دوران علاج زخموں کی تاب نہ لاتے ہوئے جاں بحق ہوگیا، اس طرح دھماکے میں جاں بحق ہونے والے نیوی کے اہلکاروں کی تعداد 5ہوگئی ہے، پولیس کے مطابق متوفی اشرف ولد جلال دین ڈالمیا کے علاقے میں نیول کالونی کا رہائشی تھا اوراس کا آبائی تعلق لیہ پنجاب سے تھا۔ پولیس نے ضابطے کی کارروائی کے بعد لاش ورثاء کے حوالے کردی ۔
جنگ

__________________
لا فتی الا علیّ لا سیف الاّ ذوالفقار