14 ستمبر 2010
سڈنی (نیٹ نیوز)امریکی انتہا پسندپادری ٹیری جونز کی طرف سے قرآن پاک کیخلاف ناپاک جسارت کا منصوبہ واپس لیے جانے کے اگلے روز ہی ایک آسٹریلوی وکیل ایلیکس سٹیورٹ نے نہ صرف قرآن پاک بلکہ بائبل مقدس کے بھی اوراق شہید(نعوزباللہ) کرکے اُنہیں سگریٹ پینے کے انداز میں ناپاک جسارت کرڈالی ۔اس بد بخت نے عملاًقرآن مجید اوربائبل کو جلا (نعوزباللہ )کر اس فعل بد کا 12منٹ پر محیط ویڈیوکلپ( نعوذبااللہ)قرآن اور بائبل میں سے کس کو جلانا بہتر ہے کے عنوان سے یو ٹیوب پرجاری کر دیا۔سٹیورٹ جو ملحدین کے گروہ سے تعلق رکھتا ہے اس ویڈیو میں پہلے قرآن مجید کے مقدس اوراق پھاڑ کر جلانے کے بعد بائبل کے ساتھ بھی یہی سلوک کر تا نظر آتا ہے۔ اس فعل شنعیہ کو سر انجام دینے کے بعدسٹیورٹ پر لطف انداز میں پیچھے کی جانب جھکتا اورطنزیہ انداز میں لفظ پاک کہتا ہے۔ویک اینڈ کے مو قع پر جاری کی جانے والی اس ویڈیو کو یو ٹیوب سے ختم کر دیا گیا ہے۔یہ شخص کوئین لینڈ یو نیورسٹی میں ملازمت کر تا ہے جس کے حکام کہنا ہے کہ وہ اس واقعہ کے وقوع پذیر ہونے پر انتہائی ناراض اور مایوس ہوئے ہیں جبکہ اس ناپاک جسارت کے وقت وہ چھٹیوں پر تھا ۔سٹیورٹ جس نے اپنی ویڈیو میں قرآن اور بائبل کو محض کتابیں قرار دیا ہے ،مسلمانوں کے لیے سخت دل آزاری کا سبب بنی ہے۔اسلامک ایسوسی ایشن آف آسٹریلیا کے صدر محمد واحد نے اس واقعہ پر ردعمل کا اظہار کرتے ہوئے کہاہے کہ ایسے واقعات نہیں ہونے چاہیے جن سے آسٹریلیا میں انارکی پھیل جائے۔

__________________
جاویداسد