برطانوی وزیراعظم گورڈن براؤن کا تین سالہ بیٹا فریزربھی ’ٹوئٹر‘ استعمال کرنے لگاہے۔ وزیراعظم گورڈن براؤن کے 3 سالہ بیٹے فریزر کے ہاتھ ان کی اہلیہ سارہ براؤن کا ٹوئٹر پروفائل لگ گیا اور اس نے موقع کا بھرپور فائدہ اُٹھاتے ہوئے اپنی ٹویٹ کرنے کی صلاحیت کو ناقابل فہم زبان والے پیغام کے ذریعے آزما ڈالا۔ وزیراعظم گورڈن براؤن نے اس بات کا اقرار کرتے ہوئے کہا ہے کہ ان کی بیگم سارہ براؤن اپنا ٹوئٹر پروفائل کا صفحہ کھلا چھوڑکر کمرے سے باہر گئیں تھیں اور اس کے نتیجے میں ان کے کم از کم ایک ملین ٹوئٹر صارفین کو فریزر کا نا قابل فہم پیغام موصول ہوا تھا۔اس غیر معمولی حرکت سے نا صرف سیکیورٹی ہائی الرٹ کردی گئی کہ آیا سارہ براؤن کا اکاؤنٹ ہیک تو نہیں کرلیا گیا بلکہ دنیا بھرکے صارفین میں اس حوالے سے مختلف خیالات اور چہ میگوئیاں گردش میں آگئیں۔گورڈن براؤن کا کہنا ہے کہ انہیں اس واقع سے سبق حاصل ہوگیا ہے کہ بچوں پر ہر وقت نظر رکھنی چاہئے خصوصاً جب وہ کمپیوٹر کے نزدیک جائیں۔

__________________
ناراضگی ظاہر کرنا دل میں برائی رکھنے سے بہتر ہے۔