برطانیہ میں تارکین کو انگریزی پڑھانے کا انقلابی منصوبہ



لندن(جنگ نیوز )برطانیہ میں طویل عرصے سے قیام پذیر ہونے کے باوجود انگریزی پر عبور نہ رکھنے والے تارکین وطن کو انگریزی سکھانے کا ایک انقلابی منصوبہ تیار کیا گیا ہے ، اس منصوبے کا مقصد کمیونٹی تعلقات بہتر بنانے اور تارکین وطن اور مقامی شہریوں کے درمیان تعلقات بہتر بنانے ایک دوسرے کے مسائل اور مشکلات کو سمجھنے میں مدد دینا ہے ،اطلاعات کے مطابق برطانیہ میں ایسے تارکین وطن کی بڑی تعداد موجود ہے جو طویل عرصے سے برطانیہ میں رہنے کے باوجود انگریزی پر عبور نہیں رکھتی اور انگریزی پر عبور نہ ہونے کی وجہ سے اپنے پڑوسیوں سے بھی تعلقات اور رابطہ نہیں رکھ پاتی ، منصوبے کے تحت تارکین وطن کے لیے انگریزی سکھانے کے لئے مفت کلاسوں کااہمتام کیا جائے گا،لیکن برطانیہ میں مختصر مدت کے لیے کام ،ملازمت یا کاروبار کے لیے آنے والوں لوگوں کو اس کے لیے فیس ادا کرنا پڑے گی۔مہارت سے متعلق امور کے وزیر جان ڈینہم نے یہ بات بتائی۔ ڈینہم نے بتایا کہ باہمی ہم آہنگی پیدا کرنے کے لیے اپنا مدعا اور موقف سے دوسروں کو آگاہ کرنے کو بنیادی اہمیت حاصل ہے ۔