25نومبر 2010
اسلام آباد(مانیٹرنگ ڈیسک) برطانیہ نے پاکستان سمیت تمام غیر یورپی مما لک کے باشندوں کے لیے اپنی امیگریشن پالیسی تبدیل کر دی ہے۔ نئی پالیسی کے تحت یہ تعداد محدود کر دی جائے گی جبکہ پاکستان اور غیر یورپی ممالک کے طلبہ وطالبات کے لیے سٹوڈنٹ ویزا کو ڈگری سطح کے کورس سے مشروط کردیا گیا ہے۔اسلام آباد میں برٹش ہائی کمیشن آفس میں میڈیا بریفنگ میں ہائی کمشنر ایڈم سمتھ نے بتایا کہ نئی ویزا پالیسی کے تحت برطانیہ سالانہ اکیس ہزار سات غیر یورپی باشندوں کو ویزا جاری کرے گا۔ برطانیہ نے اپنا ویزاآفس دبئی سے اسلام آباد منتقل کرنے کا بھی کوئی فیصلہ نہیں کیا ۔انہوں نے کہا کہ ویزہ پالیسی میں تبدیلی کا کسی ایم یو یز سے تعلق نہیں بلکہ برطانوی پالیسی اس کے اپنے مسائل کی وجہ سے ہے۔ ان کا کہنا تھا کہ آسیہ بی بی کے لیے سیاسی پناہ کی درخواست ہائی کمیشن آفس کو نہیں ملی ۔ان کا کہنا تھا کہ پاکستان کا اپنا قانون ہے اور اسے یہ دیکھنا ہے کہ عالمی برادری میں اس نے اقلیتوں کے حوالے سے اپنے تشخص کو کس طرح بہتر بنانا ہے۔

__________________
جاویداسد