نیویارک؛ رپورٹ؛ محسن ظہیر ۔۔۔ جوں جوں وزیر اعظم پاکستان یوسف رضا گیلانی کے صبر کا پیمانہ لبریز ہوتا جا رہا ہے اور صدر آصف علی زرداری کی جانب سے درپیش اور ٓنیوالے چیلنجوں سے نبرد آزما ہونے کےلئے ہوم ورک کی تیاری جا ری ہے، بعض اہم حلقوں کا خیال ہے کہ پاکستان کی سیاست میں ٓآنیوالے آئندہ چوبیس گھنٹے انتہائی اہم ہیں۔ ان چوبیس گھنٹو ں میں ملکی سیاست میں کوئی بڑی پیش رفت ہو سکتی ہے

سیاسی حلقوں کے مطابق وزیر اعظم کا یہ بیان بھی نہایت معنی خیز ہے کہ ہم سے ویزوں کا حساب مانگا جا رہا ہے ، سوال یہ ہے کہ اسامہ 6 سال سے یہاں کیسے تھا اور کس ویزے پر آیا؟

قومی اسمبلی میں سینیئر صحافی حامد میر کو ملنے والے دھمکیوں کے موضوع پر اظہار خیال کرتے ہوئے وزیر اعظم نے کہا کہ ہم نے فوج کو اسامہ بن لادن کے معاملے پر ہم نے سپورٹ کیا ، نیٹو کے معاملے پر فوج کے امیج کو بہتر بنانے اور بڑھانے پرکام کیا۔ انہوں نے واضح کیا کہ فوج سمیت ملک کے تمام ادارے پارلیمنٹ کو جواب دہ ہیں۔ انہوں نے کہا کہ کوئی بھی حکومت آئے وہ پارلیمنٹ کے ذریعے آئے گی، پارلیمنٹ کو جواب دہ ہو گی


وہ یوم قائد اعظم سے حوالے سے منعقدہ نوجوانوں کی تقریب سے خطاب کر رہے تھے۔ وزیرا عظم نے کہا کہ آمریت نے ہمیشہ آئین اور جمہوریت پر حملہ کیا ، اب بھی جمہوریت کے خلاف سازشیں کی جا رہی ہیں، ہر جمہوری حکومت پر الزامات لگائے گئے اور قیام پاکستان کیساتھ ہی محلاتی سازشیں شروع ہو گئیں تھیں۔ انہوں نے کہا کہ سیاستدانوں پر غداری کے الزامات سے ملک دو ٹکڑے ہوا، قوم کو فیصلہ کرنا ہے کہ جمہوریت چاہیے یا آمریت۔ وزیر اعظم نے کہا کہ فوج منظم ادارہ ہے جو آئین پر عمل کرتا ہے۔

دریں اثناء گورنر پنجاب لطیف کھوسہ کے مطابق جب ہم یہ کہتے ہیں کہ کسی کو دائرے سے باہر نہیں نکلنے دیں گے تو اس کا مطلب یہ باور کروانا ہے کہ ہر ایک کے لئے بہتر ہے اور یہی ملکی بہتری میں ہیں ، کہ ہم سب اپنے اپنے دائرے میں اپنا کردار ادا کریں۔اایکسپریس ٹی وی سے ایک انٹرویو کے دوران لطیف کھوسہ نے کہا کہ کسی بھی پٹیشن میں صدر پاکستان کو فریق نہیں بنایا جس سکتا ۔ انہوں نے کہا کہ میمو گیٹ پر جس طرح سپریم کورٹ نے نواز شریف کی پٹیشن کو اکاموڈیٹ کیا، وہ ہمارے لئے باعث تشویش بنی ۔



رائٹر کی خبر

__________________