بش انتظامیہ نے سن 2006ء کے انتخابات کے بعد نومنتخب فلسطینی جماعت حماس کی حکومت ہٹانے کی کوشش کی تھی اسی وجہ سے حماس تنظیم، فتح اور فلسطینی صدر محمود عباس کے خلاف ہو گئے تھے۔ اس حوالے سے امریکی جریدے وینٹی فیئر میں‌ ایک مضمون شائع ہوا ہے جس میں‌ انتخابات کے دوران اور اس سے قبل امریکی وزیر خارجہ کونڈولیزا رائس کی مشرق وسطیٰ آمد اور امریکی اتحادیوں کے ساتھ گفتگو کے حوالہ جات بھی پیش کئے گئے ہیں اور بات چیت کی ریکارڈنگ بھی دی گئی ہے۔ تاہم امریکی سٹیٹ ڈیپارٹمنٹ نے اس مضمون کوغلط قرار دیتے ہوئے کو مسترد کر ریا ہے۔

میگزین کا دعویٰ ہے کہ تقریبًا 27۔1 بلین ڈالر بجٹ کے 5 سالہ منصوبے کو بروئے کار لایا گیا تاکہ 2006ء کے انتخابی نتائج کو بدلہ جا سکے۔

اس منصوبے کا مقصد بظاہر حماس کے مقابلے میں نسبتًا معتدل تنظیم فتح کو اسلحے اورپیسوں کے لحاظ سے تقویت دینا تھا کیونکہ امریکی کانگریس نے الفتح کو تقویت دینے کے لیے ایک بڑے فنڈ کی فراہمی سے انکار کر دیا تھا۔ میگزین نے دعویٰ کیا ہے کہ بش انتظامیہ نے اپنے اتحادی عرب ممالک (کویت، مصر، سعودی عرب، اردن وغیرۃ) کو فلسطینی تنظیم الفتح کی امداد کے لیے استعمال کرنے کی کوشش کی۔

غزہ میں اس مقصد کے لیے الفتح سے تعلق رکھنے والے سیکیورٹی اہلکاروں کو ہتھیار دینے کے لیے مصر کی سرزمین کو بھی استعمال کیا گیا۔

مضمون میں یہ دعویٰ بھی کیا گیا ہے کہ غزہ میں حماس نے فتح کی طرف سے ممکنہ ایکشن کو روکنے کے لیے کارروائی کی تھی۔ لیکن امریکی وزارت خارجہ کے ترجمان کا کہنا ہے کہ اس طرح کا کوئی خفیہ منصوبہ نہیں بنایا گیا تھا اور یہ بات کسی سے پوشیدہ نہیں کہ امریکی حکومت نے فلسطینی حکومت کی سکیورٹی سروسز میں اصلاحات کے لیے مدد فراہم کی تھی۔

مضمون کے آخر میں‌ کہا گیا ہے کہ زیادہ تر لوگ اس بات سے متفق ہوں گے کہ بش انتظامیہ کی مشرق وسطیٰ میں فلسطینی صدر محمود عباس سے مذاکرات کرنےاور حماس کے ساتھ کوئی تعلق نہ رکھنے کی حکمت عملی اب تک ناکام رہی ہے۔
----------------------------
جس صحافی نے یہ مضمون لکھا ہے اس نے کچھ ایم پی تھری فائلز اور ایک پی ڈی ایف ڈاکیومینٹ بھی اپنے مضمون کے ساتھ اٹیچ کی ہے۔ اصل مضمون اور اس کے ساتھ منسلک چیزوں کے لنک یہ ہیں:
http://www.vanityfair.com/politics/f.../04/gaza200804

http://www.vanityfair.com/mp3/politics/David_Rose_3_1_08.mp3

http://www.vanityfair.com/images/pol...mework0804.pdf

http://www.vanityfair.com/images/pol...onplan0804.pdf