بش انتظامیہ کو (ن) لیگ کی سوچ پر تشویش لاحق ہے،طلعت مسعود
کراچی(ٹی وی رپورٹ) 11 ستمبر کی طرح اب اگر امریکا پر دوسرا حملہ ہوا تو اس کی منصوبہ بندی پاکستان سے ہوگی۔امریکی صدر بش کے اس سخت بیان پر تبصرہ کرتے ہوئے سیاسی و دفاعی تجزیہ نگا ر طلعت مسعو د نے جیو نیوز کے پروگرام ”میرے مطابق“ کہا کہ بش انتظامیہ کو ن لیگ کی اس سوچ پر تشویش لاحق ہے پاکستان کی نئی حکومت بالخصوص نواز شریف نے قبائلی علاقوں میں فوجی کاروائی کے آپشن کے بجائے اس مسئلے کے سیاسی حل کو ترجیح دی ہے ۔بش انتظامیہ کہ خدشہ ہے کہ اس طرح قبائلی علاقوں میں شدت پسند طاقتو ں کو تقویت ملے گی۔ان ہی تحفظات کے پیشِ نظر صدر بش کا اتنا سخت بیان آیا ہے۔جنرل (ر) حمید گل نے کہاکہ اس وقت پوری قوم کی جو سیاسی سوچ ہے وہ یہی ہے کہ پرویز مشرف کا رہنے کا کوئی حق نہیں ،اس کے پیش نظر اب امریکا بھی کس طرح چالیں چل رہا ہے دھمکیاں دے رہا ہے اس کا مطلب ہے کہ انہیں خطرہ ہے کہ اگر مشرف چلا گیا تو پھر جو ہمیں ان کے اوپر اعتماد ہے وہ جمہوری حکومت کے اوپر نہیں ہوگا۔ یہاں نیو کلیئر کوڈ کا بھی ایک مسئلہ آگیا ہے یہ ہماری بدقسمتی ہے کہ ہمیں ہر اعتبار سے رگیدا جارہا ہے اسی لئے نیشنل کمانڈ اتھارٹی بنی اور اس کے اوپر ہم بڑا فخر کرتے ہیں ہمارا نیو کلیئر ہتھیار ایسا نہیں کہ یہ شدت پسندوں کے ہاتھ چلا جائے کیوں کہ انڈیا کے پاس بھی وہ سسٹم نہیں کہ جو ان ہتھیاروں کو فول پروف سیکورٹی کرسکے اور ہمارے سسٹم امریکا سے ہی حاصل کئے گئے ہیں اور یہ بڑی حد تک محفوظ ہیں یہ اتھارٹی جنرل اسلم لیگ نے بتائی تھی دنیا کو یہ باور کرانے کے لئے کہ پاکستان کا نیو کلیئر پروگرام محفوظ ہے انہوں نے کہا کہ نیو کلیئر کوڈ پرویز مشرف کے پاس ہی ہے اور امریکا دھمکا رہا ہے کہ اگر آپ اس کا کوئی موثر اقدام نہیں کرتے تو پھر ہمیں جو تبدیلی آپ چاہتے ہیں وہ قابل قبول نہیں ہوگی یہ بہت بڑا معاملہ ہے جو سنگل پارٹی حل نہیں کرسکتی اسے پارلیمنٹ میں ہی حل کیا جاسکتا ہے۔ میں شروع سے کہتا آیا ہوں کہ ایک نیشنل یونٹی حکومت بننی چاہئے لیکن بدقسمتی سے (ق) لیگ نے اس میں کوئی پیش رفت نہیں کی اور میں ان کے رویے کو درست نہیں سمجھتا اور اب Mqm کا الگ ہونے کا فیصلہ بھی غلط ہے۔

__________________