عراقی دارالحکومت بغداد میں اتوار کو وزیراعظم نوری المالکی کے ہمراہ ایک پریس کانفرنس کے دوران امریکی صدر جارج بش پر دو جوتے پھینکے گئے۔
پریس کانفرنس کے دوران ایک عراقی صحافی نے اپنے جوتے صدر بش پر پھینکے اور انہیں ’کتا‘ کہا۔ اس کے بعد سکیورٹی گارڈز اس صحافی کو قبضے میں لیکر پریس کانفرنس سے باہر لےگئے۔

اس صحافی نے اپنے جوتے پھینکتے ہوئے کہا ’کتے، عراقی عوام کی جانب سے الوداع۔‘ جوتا صدر بش کو نہیں لگا۔ صدر بش نے کہا: ’میں صرف یہ رپورٹ کر سکتا ہوں کہ اس کا سائز دس تھا۔‘ اس واقعے کے بعد پریس کانفرنس جاری رہا۔