وفاقی وزیر داخلہ رحمان ملک نے کہا ہے کہ بغیر کمپیوٹرائزڈ کے اسلحہ لائسنس اکتیس اگست کے بعد کار آمد نہیں رہیں گے ۔ جبکہ سندھ کے وزیر داخلہ منظور حسین وسان کا کہنا ہے کہ کراچی میں امن ضرور قائم کرکے دکھائیں گے ۔
کراچی میں امن و امان کے حوالے سے اعلیٰ سطح کے اجلاس کی صدرارت وفاقی وزیر داخلہ رحمان ملک نے کی ۔۔۔ وفاقی وزیر رحمان ملک نے اجلاس کے بعد میڈیا کو بتایا کہ پورے ملک میں غیر قانونی اسلحے کے خلاف کاروائی کا فیصلہ کیا گیا ہے ۔اجلاس میں فیصلہ کیا گیا کہ31 اگست کے بعد تمام اسلحہ لائسنس منسوخ ہو جائیں گے جبکہ غیر قانونی اسلحے کی اطلاعات فراہم کرنے والوں کو انعام دیا جائے گا ۔موبائل فون کی سموں کے حوالے سے انہوں نے عوام سے کہا کہ وہ اپنے نام پر رجسٹرڈ سموں کی تصدیق کروائیں اور ذاتی استعمال کے علاوہ تمام سمیں بلاک کروا دیں۔5 ستمبر کے بعد غیر قانونی سم مالکان کے خلاف کاروائی ہو گی ۔ رحمان ملک کا کہناتھا کہ بھتہ خوروں کے خلاف انسداد بھتہ خوری سیل بنایا جائے گا جس کی سربراہی ڈی آئی جی رینک کا افسر کرے گا ۔ اجلاس میں صوبائی وزیرداخلہ منظور وسان نے بھی شرکت کی ۔ انکا کہنا تھا کہ امن کے لیے جو اقدامات اٹھائے گئے ہیں ان سے امن قائم کرنے کے مقاصد پورا ہوتے ہويے محسوس ہورہے ہیں ۔

__________________
تم قاتل نہیں ہو پیشہ ور گدھے!