بلاول بھٹو کی مقبولیت کم عمری نہیں میرٹ کا معاملہ ہے
اسلام آباد (جنگ اسپیشل رپورٹ)وزیراعظم سید یوسف رضا گیلانی نے کہا ہے کہ امریکی جریدے کے سروے میں بلاول بھٹو زرداری کا بش کے مقابلے میں زیادہ مقبول ہونا حیران کن ہوناچاہئے۔ اس میں بلاول کی عمر کا مسئلہ نہیں ہے بلکہ یہ بھٹو خاندان کی میراث کا معاملہ ہے۔ بھٹو خاندان نے جمہوریت کی سربلندی اور آئین کی بالادستی کیلئے جس قدر قیمتی جانوں کا نذرانہ پیش کیا ہے، اس کا دنیا کا کوئی ملک تصوّر بھی نہیں کر سکتا۔ عالمی طور پر بھٹو خاندان کو اسی لئے احترام اور مقبولیت حاصل ہے۔انہوں نے ایک سوال کے جواب میں کہا بلاول بھٹو زرداری کی والدہ اور ملک کی سابق وزیراعظم کاروان جمہوریت میں شہید ہوئیں۔ بلاول کے نانا ایک فوجی ڈکٹیٹر کے ہاتھوں گرفتار ہو کر پھانسی کے تختے پر چڑھ گئے دنیا کے کسی اور ملک کے کسی جوانسال یا معمر سیاستدان کے خاندان نے اتنی بیش بہا قربانیاں نہیں دیں۔

__________________