بلاول کے بھٹو قبیلے میں شامل ہونے پر اعتراض نہیں،غنویٰ بھٹو



نوڈیرہ /نوابشاہ( بیورو رپورٹ) پیپلزپارٹی شہید بھٹو گروپ کی چیئرپرسن غنویٰ بھٹو نے کہا ہے کہ بلاول کے بھٹو قبیلے میں شامل ہونے اور پارٹی کا چیئرپرسن مقرر ہونے پرہمیں کوئی اعتراض نہیں ہے۔ انہوں نے کہا کہ محترمہ بے نظیر بھٹو کی شہادت پر بھٹو خاندان، پوری قوم اور پیپلز پارٹی کے کارکن غمزدہ ہیں۔ انہوں نے کہا کہ پیپلزپارٹی اورہمارے درمیان سیاسی اختلافات ہیں۔ ان کا اپنا موقف ہے، ہمارا اپنا موقف ہے یہ اختلافات ظاہر کرنے کا وقت نہیں ہے۔ بھٹو خاندان کے مخالف بھی مجھے خاندان کا فرد تسلیم کرکے تعزیت کیلئے آرہے ہیں۔ ایک سوال پر انہوں نے کہا کہ بلاول کے بھٹو قبیلے میں شامل ہونے اور پارٹی کا چیئرپرسن مقرر ہونے پر ہمیں کوئی اعتراض نہیں ہے۔