بلا لائسنس موٹر سائیکل چلانے والے18/لاکھ افراد



”جنگ“ کے ایک سروے کے مطابق کراچی میں موٹر سائیکل چلانے والے 18/لاکھ سے زیادہ افراد کے پاس لائسنس نہیں ہے۔ ٹریفک قوانین کی خلاف ورزی کرنے والوں میں موٹر سائیکل سوار سر فہرست ہیں جبکہ ٹریفک حادثات میں ہلاک و زخمی ہونے والوں میں 40/فیصد تعداد موٹر سائیکل سواروں کی ہے۔ مصروف سڑکوں پر ون وھیل ڈرائیو کرنے، سگنل توڑنے، رش کے اوقات میں فٹ پاتھوں پر ڈرائیونگ کرنے، بس اسٹاپوں پر گاڑیوں سے اترنے والے مسافروں پر موٹرسائیکل چڑھا دینے اور چلتے ٹریفک کے درمیان لہراتے ہوئے موٹر سائیکل چلانے والوں نے سڑکوں کو دوسروں کے ساتھ ساتھ خود اپنے لئے بے حد خطرناک بنا دیا ہے۔ بس اسٹاپ پر گاڑی سے اترنے والے مسافروں یا دوسرے پیدل راہگیروں کو ٹکر مار کر موٹر سائیکل سوار موقع سے فرار ہوجاتے ہیں۔ ضرورت اس بات کی ہے کہ بغیر لائسنس کے موٹر سائیکل چلانے والوں کی گرفت کی جائے، لائسنس یافتہ افراد کو ٹریفک قوانین سے آگاہ کرنے کے لئے موثر و جامع مہم چلائی جائے اور زیادہ ٹریفک والی سڑکوں پر موٹر سائیکلوں کی ممانعت کرکے متبادل راستے موٹر سائیکل چلانے والوں کے لئے مخصوص کئے جائیں۔ اس ضمن میں جلد ٹھوس اقدامات نہ کئے گئے تو ٹریفک کا نظام مزید بگڑتا چلا جائے گا۔

__________________